მათთვის, ვისთვისაც თხილამურებზე ან სნოუბორდზე დგომა ცხოვრების განუყოფელი ნაწილია, მთავარი საზრუნავი არა "სად“, არამედ "როგორ“ გახდა. ყველასთვის ნაცნობი მომენტია, როცა მთაში წასვლის სურვილი დიდია, თუმცა სეზონური ხარჯები — აბონემენტი, ეკიპირება თუ მგზავრობა — ბიუჯეტს მძიმე ტვირთად აწვება. სწორედ ამ ბარიერის მოსახსნელად გადაწყვიტა სილქ ბანკმა, "ემ თი ეი“-სთან და SKIPASS-თან ერთად, რომ სათხილამურო სეზონისთვის მერე ბარათის სპეციალური შეთავაზება წარედგინა.

გუდაურში, ბაკურიანში, გოდერძისა თუ მესტიაში აბონემენტის შეძენისას თანხის სრულად დაფარვაზე ფიქრი აღარ მოგიწევს. მერე ბარათის გამოყენებით საბაგიროს საფასურს ექვს თვეზე ყოველგვარი გაძვირებისა და ზედმეტი საკომისიოების გარეშე გაანაწილებ. ეს მომხმარებელს აძლევს თავისუფლებას, ისრიალოს დღეს, მიიღოს მაქსიმალური სიამოვნება ზამთრის დასვენებისგან, ხარჯები კი ეტაპობრივად დაფაროს, ეფექტურ 0%-ად.

თუ სპონტანური გადაწყვეტილებები გიზიდავს, შეგიძლია პირდაპირ კურორტის სალაროში შეიძინო აბონემენტი, ერთი ასვლიდან სეზონურის ჩათვლით. სულ ერთია, სვანეთის კოშკებს გადაჰყურებ თუ აჭარის თოვლიან ფერდობებს, ნებისმიერი სასურველი აბონემენტის შერჩევის შემდეგ ფიზიკურ ან ციფრულ ბარათს ტერმინალზე გაატარებ და სისტემა თანხას, ავტომატურად, ექვს თვეზე გაანაწილებს.

და თუ გინდა, რომ სალაროსთან რიგში დგომასაც ასცდე და სრიალისთვისაც მეტი დრო დაგრჩეს, იდეალური გამოსავალი SKIPASS-ის აპლიკაციაა. აპლიკაციაში მერე ბარათის დამატებით, სახლიდან გაუსვლელად, შეგიძლია შეიძინო სეზონური, 7 ან 10-დღიანი აბონემენტი და ხარჯი 6 თვეზე გაანაწილო, ეფექტურ 0%-ად. თუ Skipass-ის ფიზიკური ბარათი ჯერ არ გაქვს, შეკვეთიდან სულ რაღაც 45 წუთში მას ადგილზე მოგიტანენ.

საბოლოო ჯამში, ეს შეთავაზება ზამთრის თავგადასავლების მოყვარულებს უნიკალურ შესაძლებლობას აძლევს, გონივრულად მართონ პირადი ბიუჯეტი. სილქ ბანკის ეს ინიციატივა კიდევ ერთხელ ადასტურებს, რომ ფინანსურმა დეტალებმა ხელი არ უნდა შეგიშალოთ მთავარში — ზამთრის დაუვიწყარი დღეების შექმნასა და იმ თავისუფლების შეგრძნებაში, რომელიც მხოლოდ მთას მოაქვს.