ბოლო 2 დღის განმავლობაში, 31 ერთეული უკანონო ცეცხლსასროლი იარაღის, საბრძოლო მასალისა და სხვადასხვა სახის ნარკოტიკული საშუალებაა ამოღებული, რის შედეგადაც 39 პირია დაკავებული. ამის შესახებ ბრიფინგზე ოცნების ხელისუფლების სანქცირებულმა მინისტრის მოადგილემ, ალექსანდრე დარახველიძემ ბრიფინგზე განაცხადა.

"პოლიციელებმა დაკავებულების პირადი, საცხოვრებელი სახლების, დამხმარე სათავსოებისა და ავტომანქანების ჩხრეკისას, ნივთმტკიცებად ამოიღეს დიდი რაოდენობით ცეცხლსასროლი და ავტომატური ცეცხლსასროლი იარაღები, ხელყუმბარები, მჭიდები და ასეულობით ვაზნა. ასევე, ამოღებულია დიდი ოდენობით სხვადასხვა სახის ნარკოტიკული საშუალება.

გამოძიება საქართველოს სისხლის სამართლის კოდექსის 236-ე, 260-ე და 273-ე მუხლებით მიმდინარეობს, რაც 7 წლამდე ვადით თავისუფლების აღკვეთას ითვალისწინებს", — განაცხადა ალექსანდრე დარახველიძემ ბრიფინგზე.