"ყველაფერს აქვს პლუს-მინუსები და ამაზე შეიძლება შედგეს ჯანსაღი მსჯელობა — რა პლუს-მინუსები აქვს, მაგალითად — ევროინტეგრაციას", — ამის შესახებ დუბაიში მყოფმა "ოცნების" პრემიერმა, ირაკლი კობახიძემ "ნეიტრალური საქართველოს" ინიციატივაზე დასმული კითხვის საპასუხოდ განაცხადა. ჟურნალისტმა ჰკითხა მას — უნდა დაიწყოს თუ არა დისკუსია ევროინტეგრაციაზე?

"ჩვენ გაცხადებული გვაქვს მიზანი, ეს მიზანი არის ის, რომ საქართველო გვინდა, გახდეს საბოლოოდ ევროკავშირის წევრი. ნებისმიერი თემასთან დაკავშირებით შეიძლება შედგეს ჯანსაღი დისკუსია. აქ საუბარი იმაზე ხომ არ არის, რომ გადავხედოთ ჩვენს კონსტიტუციურ ამოცანას. აქ საუბარია იმაზე, რომ ყველაფერს აქვს პლუს-მინუსები და ამაზე შეიძლება შედგეს ჩვეულებრივი ჯანსაღი მსჯელობა, რა პლუს-მინუსები აქვს მაგალითად ევროინტეგრაციას. ჩვეულებრივი საკითხია. ყველა თემასთან დაკავშირებით შეიძლება შეგდე ჯანსაღი დისკუსია, მთავარია რომ ეს დისკურსია ეფუძნებოდეს არგუმენტებს, იყოს ღია, იყოს გახსნილი და საზოგადოებას მიწოდოს მეტი ინფორმაცია ყველა თემასთან დაკავშირებით", — განაცხადა ირაკლი კობახიძემ.

მანამდე "ნეიტრალურმა საქართველომ" მოუწოდა პროსამთავრობო ტელეკომპანია "იმედსა" და "რუსთავი 2-ს", გახსნან დებატები ევროინტეგრაციაზე.