მოსკოვის მეშჩანსკის სასამართლომ კომიკოს არტემი ოსტანინს ხუმრობისთვის ხუთი წლითა და ცხრა თვით სასჯელაღსრულების კოლონიაში პატიმრობა მიუსაჯა. მას, სავარაუდოდ, უკრაინაში მებრძოლის ჯარუსჯაცისა და იესო ქრისტეს შესახებ ხუმრობის გამო, სიძულვილის გაღვივებასა და რელიგიური გრძნობების შეურაცხყოფაში დასდეს ბრალი.

Mediazona-ს კორესპონდენტის ცნობით, მოსამართლემ კომიკოსს 300 000 რუბლი ჯარიმაც დააკისრა. ბრალდების მხარემ კი ხუთი წლითა და თერთმეტთვიანი თავისუფლების აღკვეთა მოითხოვა. როგორც რუსული მედია წერს, კომიკოსი რუსეთის "უცხოელი აგენტის" სიაშია.

კომიკოსმა დანაშაული უარყო და განაცხადა, რომ მისი დაკავება და დაპატიმრება უკანონო იყო. მისი თქმით, ის მინსკში დააკავეს და შემდეგ მოსკოვში წაიყვანეს, ტყეში სცემეს და თმა შეჭრეს.

ოსტანინის ბრალდება უკავშირდება მის გამოსვლას YouTube-ის შოუში "სტენდაპი 60 წამში". კომიკოსმა ხუმრობით თქვა, რომ მან მეტროში შეზღუდული შესაძლებლობის მქონე მამაკაცმა გადაუარა და მას "ფეხმოკლე მოციგურავე" უწოდა, რომელმაც, სავარაუდოდ, "ნაღმზე ფეხი დააბიჯა".

2025 წლის 15 მარტს, პროსამთავრობო მოძრაობამ "ხალხის ხმამ" კომიკოსი "შეზღუდული შესაძლებლობის მქონე მამაკაცის დაცინვაში დაადანაშაულა, რომელმაც, შესაძლოა, ფეხები უკრაინის წინააღმდეგ ბრძოლაში დაკარგა და მისი დასჯა მოითხოვა.

მედიასთან საუბარში ოსტანინმა უარყო, რომ მისი ხუმრობა უკრაინის ომის ვეტერანზე იყო. "ხუმრობაში ერთი სიტყვაც არ არის "სპეციალურ სამხედრო ოპერაციაზე" (SVO). დანარჩენი მხოლოდ ბლოგერების ფიქციაა", — განუცხადა მან Ostrogozhskaya Pravda-ს.

თუმცა, კომიკოსის ახსნა-განმარტებები უშედეგო აღმოჩნდა: იმავე საღამოს საგამოძიებო კომიტეტმა გამოაცხადა, რომ ოსტანინის წინააღმდეგ სისხლის სამართლის საქმე აღიძრა "SVO-ს წევრის წინააღმდეგ მტრული განცხადებებისთვის".

ამის შემდეგ ოსტანინი რუსეთიდან ბელარუსში გაფრინდა, თუმცა ბელარუსის უსაფრთხოების ძალებმა დააკავეს. 18 მარტს საგამოძიებო კომიტეტის მოსკოვის ოფისმა გამოაქვეყნა ვიდეო, სადაც კომიკოსი გამომძიებლის კაბინეტში ზის და "გულწრფელ, ადამიანურ ბოდიშს" იხდის.