"რუსთავი აზოტის" გაფიცული თანამშრომელი ბაჩანა კაპანაძე სოციალურ ქსელში წერს, რომ დასაქმებულებსა და "ინდორამა რუსთავი აზოტს" შორის შეთანხმება შედგა.

მისი თქმით, დაკმაყოფილდა გაფიცულთა ინტერესები და შეთანხმების თანახმად, მათი ხელფასი მოიმატებს დარიცხული 200 ლარის ოდენობით; 5 წლის მანძილზე ყოველი წლის თებერვალში ხელფასი გაიზრდება 125 ლარით; დასაქმებულების მიმართ სასამართლო დავა შეწყდება; 6 თვიდან 1 წლამდე ვადაში ხელფასზე დაემატება 25%-იანი პრემია.

"დაკმაყოფილებული პუნქტები:

1. ხელფასის მატება დარიცხული 200 ლარის ოდენობით.

2. 5 წლის მანძილზე ყოველი წლის თებერვალში 125 ლარის მატება.

3. სასამართლო დავის შეწყვეტა დასაქმებულების მიმართ.

4. 25% პრემიის გაერთიანება ფიქსირებულ ხელფასში 6 თვიდან 1 წლამდე ვადაში.

5. პროტესტის დროს, ყველა დღის განაცდურის ანაზღაურება.

6. შეიქმნება საამქროებიდან ნდობით აღჭურვილი ადამიანებისგან შემდგარი ჯგუფი, რომელიც იმუშავებს ქარხანაში შექმნილ პრობლემებზე.

7. შეიქმნა პროფკავშირი.

მადლობა მინდა გადავუხადო აზოტის ქარხნის ყველა თანამშრომელს, ვინც იბრძოლა და ბოლომდე იდგა ჩვენს გვერდით", — წერსს ბაჩანა კაპანაძე.