ამერიკული საინჟინრო საკონსულტაციო ფირმა AECOM-ის გუნდი აშშ-ის სახელმწიფო დეპარტამენტის გლობალური ინფრასტრუქტურისა და საინვესტიციო პარტნიორობის ფონდის სახელით სომხეთს ეწვია TRIPP პროექტის ტერიტორიის შესწავლის დასაწყებად. ამის შესახებ აშშ-ის საელჩომ სომხეთში განაცხადა.

როგორც სომხური მედია წერს, ეს სამუშაოები მოიცავს რკინიგზისა და სხვა ინფრასტრუქტურის მშენებლობის ტექნიკურ-ეკონომიკური კვლევის ჩატარებას და წინადადებების შემუშავებას, რაც ხელს შეუწყობს სომხეთის გრძელვადიან ეკონომიკურ ზრდას, სატრანსპორტო ინფრასტრუქტურის განვითარებას და რეგიონულ ინტეგრაციას.