კომპიუტერული ტექნიკა თანამედროვე ადამიანების უმეტესობისთვის ყოველდღიურობის განუყოფელი ნაწილია. თითოეული ჩვენგანი ხშირად ვარჩევთ ამ პროდუქციას პირადი თუ საქმიანი მიზნებისთვის. ეს არჩევანი კი საპასუხისმგებლოა, ამიტომ მნიშვნელოვანია, სანდო და მრავალფეროვანი ტექნიკის კომფორტულად, სასურველ დროს შეძენის შესაძლებლობა გვქონდეს. PC Room სწორედ ამ კონცეფციას ეფუძნება: მაღაზია მომხმარებლების საჭიროებებს მაქსიმალურად ითვალისწინებს.

PC Room —18-წლიანი გამოცდილება

PC Room-ის მაღაზია 18 წლის წინ გაიხსნა, იმ დროს, როდესაც საქართველოში კომპიუტერული ტექნიკის ბაზარი საწყის ეტაპზე იყო. მას შემდეგ ის დინამიკურად განვითარდა და ჩამოყალიბდა სტაბილურ კომპანიად, რომელიც პროდუქციისა და სერვისის მაღალი ხარისხით, მომხმარებლებთან ურთიერთობის საუკეთესო სტანდარტითა და მათ მიერ გამოხატული განსაკუთრებული ნდობით გამოირჩევა.

PC Room არის სივრცე, სადაც ადამიანები არა მარტო უახლესი ტექნიკის არჩევანს, არამედ პროფესიულ, კომპეტენტურ რეკომენდაციებსა და მხარდაჭერას იღებენ.

სანდო და მრავალფეროვანი ტექნიკა ნებისმიერი საჭიროებისთვის

PC Room წამყვანი კომპიუტერული ტექნიკის ბრენდების ოფიციალური პარტნიორია და სხვადასხვა სეგმენტის მომხმარებლებს ემსახურება. აქ სასურველ ფასად ხარისხიან პროდუქტს მარტივად შეარჩევს ადამიანი, რომელსაც სტანდარტული ლეპტოპის ან სამაგიდო კომპიუტერის შეძენა სწავლისთვის, სამუშაოდ ან უბრალოდ ინტერნეტში სერფინგისთვის სურს.

იმავდროულად, PC Room მრავალფეროვან არჩევანს სთავაზობს გეიმერებს, სტრიმერებსა და კონტენტის კრეატორებსაც, რომლებსაც მაღალი წარმადობისა და პროფესიული დატვირთვის მოდელები ესაჭიროებათ. მაღაზიაში ხელმისაწვდომია ნებისმიერი პროდუქტი, მათ შორის უახლესი ვიდეობარათები, პროცესორები და აქსესუარები გეიმინგისთვის, ვიდეომონტაჟისა და YouTube ან Twitch სტრიმინგისთვის. ასე რომ, არ აქვს მნიშვნელობა, როგორც უბრალო საოფისე ლეპტოპის შეძენის, ისე განსაკუთრებული სიმძლავრის გეიმინგ სისტემის სურვილის შემთხვევაში, PC Room-ში ხელმისაწვდომია ზუსტი მარაგები, გამოცდილება და კომპეტენტური გარემო, რომელშიც მომხმარებლების დროსა და სურვილებს პატივს სცემენ.

რატომ PC Room

PC Room-ის მთავარი უპირატესობა სრული, 100%-იანი სიზუსტეა: მაღაზიის ვებსაიტი და მარაგები სრულად სინქრონიზებულია, რაც იმას ნიშნავს, რომ მომხმარებელს ონლაინ შერჩეული სასურველი ნივთი მაღაზიაში ზუსტად იმავე მახასიათებლებითა და ფასით აუცილებლად დახვდება.

მოსახერხებელია PC Room-ის გარანტიით სარგებლობაც. აქ პრიორიტეტი მომხმარებლების ინტერესების დაცვაა, ამიტომ საგარანტიო სერვისი განსაკუთრებით მოქნილი და მათ საჭიროებებზე მორგებულია. ტექნიკა წუნის აღმოჩენისთანავე მოწმდება და უმოკლეს ვადაში ახლით იცვლება. მაღაზიაში საგარანტიო პირობები ყველა პროდუქტზე მოქმედებს. კონკრეტული ვადა კი ტექნიკის კატეგორიაზეა დამოკიდებული.

შეძენის მოქნილი პირობები

PC Room-ის ფილიალი თბილისში, დიდ დიღომში, მირიან მეფის N20-ში მდებარეობს. მაღაზია მაქსიმალურად ითვალისწინებს იმ ადამიანების გრაფიკს, რომლებიც დასაქმებულები არიან და სამუშაო საათებიც შესაბამისი აქვს: დაინტერესებულ მომხმარებლებს აქ ვიზიტი ორშაბათსა და პარასკევს 10:00 - 22:00 საათამდე შეუძლიათ, შაბათ-კვირას კი — 10:00-19:00 საათამდე.

რა თქმა უნდა, პროდუქციის შეძენა შესაძლებელია ონლაინაც, მიწოდების სერვისი კი მთელი საქართველოს მასშტაბით მოქმედებს. მომხმარებელი სასურველ ნივთს თბილისში 1 სამუშაო დღეში იღებს, მის ფარგლებს გარეთ კი ტარიფები და ვადები ქალაქსა და პროდუქტის წონაზეა დამოკიდებული.

მოსახერხებელია გადახდის პირობებიც. მომხმარებელს შეუძლია ისარგებლოს თიბისის, საქართველოს ბანკის, კრედოსა და კრისტალის ონლაინ განვადებით, ასევე, საქართველოს ბანკისა და თიბისის ნაწილ-ნაწილ გადახდით.

რჩევები ტექნიკით დაინტერესებულ პირებს

PC Room მომხმარებლებს სასურველი ტექნიკის შერჩევის გამარტივებაში, ან უბრალოდ ტექნოლოგიური ტრენდების გაცნობაში ანალიტიკური კონტენტითაც ეხმარება. ნებისმიერი ახალი პროდუქციის შესახებ მზადდება ვიდეოგანხილვები, რომლებიც სოციალური ქსელებისა და აპლიკაციების პლატფორმებზე, PC Room-ის გვერდებზე თავსდება. კონტენტი კარგი გზამკვლევია ნებისმიერი ადამიანისთვის, რომელსაც ტექნოლოგიები აინტერესებს.

PC Room-ის ვიდეოგანხილვები ხელმისაწვდომია Facebook-ზე, Instagram-ზე, YouTube-სა და TikTok-ზე.