Apple-ის სტრიმინგ-სერვისი დიდი ხნის განმავლობაში თითქოს რაოდენობაზე მეტად ხარისხს ანიჭებდა უპირატესობას და გვთავაზობდა რამდენიმე მართლაც ძლიერ სერიალს, თუმცა ისეთ კონკურენტებთან, როგორიცაა Netflix და Disney, შედარებით "ცარიელად" გამოიყურებოდა. მაგრამ ახლა, როცა Apple TV+ აუდიტორიის გაფართოებას და უფრო მასშტაბურ ბაზარზე გასვლას ცდილობს, ჩანს, რომ ამ ფორმულაში "რაოდენობის" ნაწილსაც უფრო სერიოზულად ეკიდება. მას შემდეგ, რაც კომპანიამ დაადასტურა სერიალების, Ted Lasso და Sugar, დაბრუნება, Apple-მა გუშინ ერთბაშად ახალი პროექტების მთელი წყება დააანონსა, რომლებიც წელს გამოვა:

• თრილერი სერიალი Imperfect Women, რომელიც სტრიმინგზე 18 მარტს დაიწყება;

• ჯონა ჰილის მიერ გადაღებული კომედია Outcome, რომელიც 10 აპრილს გამოვა და მთავარ როლებში კიანუ რივზი და კამერონ დიასი არიან;
• შავი კომედიური თრილერი Maximum Pleasure Guaranteed, გამოსვლის თარიღი, 20 მაისი;
• სერიალი Margo’s Got Money Troubles, ელ ფენინგის მონაწილეობით, ასევე 20 მაისს;

• Cape Fear-ის ახალი ვერსია, ამჯერად სერიალის ფორმატში (აღმასრულებელი პროდიუსერები მარტინ სკორსეზე და სტივენ სპილბერგი), რომელიც 5 ივნისს დაიწყება
• დრამა Lucky, ანია ტეილორ-ჯოის მონაწილეობით, პრემიერა 15 ივლისს;

• ჩოგბურთზე შექმნილი კომედიური ფილმი The Dink, პრემიერა 24 ივლისს;
• მეგობრული კომედია Mayday, რაიან რეინოლდსის მონაწილეობით, 4 სექტემბერს;
• Mattel-ის Matchbox სათამაშო მანქანებზე დაფუძნებული სრულმეტრაჟიანი ფილმის ადაპტაცია, რომელიც 9 ოქტომბერს გამოვა;
• საოჯახო ფილმი Way of the Warrior Kid, დაგეგმილი 20 ნოემბრისთვის;
• და კიდევ: Monarch: Legacy of Monsters-ის მეორე სეზონს ახალი ტრეილერი გამოუშვეს, რომელიც ახალ, მასშტაბურ კაიჯუს გვაჩვენებს

ეს ნიშნავს, რომ პრაქტიკულად ყოველ თვეში რაღაც ახალი გამოდის და ეს იმ პროექტების გარდა, რომლებიც უკვე ცნობილია, რომ წელს უნდა დაბრუნდეს, როგორიცაა Criminal Records, Your Friends & Neighbors, For All Mankind და The Last Thing He Told Me, ასევე ამჟამად მიმდინარე სერიალები: Hijack, Drops of God და Shrinking. Apple TV+ ამასთან ერთად უფრო აქტიურად შედის ლაივ-სპორტშიც, მაგალითად, Formula 1-თან გაფორმებული შეთანხმებით, რომელიც წელს იწყება.

იმ ფონზე, რომ Apple TV+-ის მიმართ ერთ-ერთი მუდმივი საჩივარი კონტენტის სიმცირეა, რაც, ალბათ, ერთ-ერთი მიზეზია, რატომაც ის მნიშვნელოვნად ჩამორჩება სხვა სტრიმინგ-გიგანტებს, ეს ანონსები აშკარად სწორედ ამ პრობლემის გადასაჭრელად არის გათვლილი. თუმცა, ეს სიახლეები აჩენს კითხვასაც: შეძლებს თუ Apple იმ ხარისხის შენარჩუნებას, რომელიც მისგან არის ნავარაუდევი, ამდენ პროექტზე ერთდროულად მუშაობის პირობებში? Matchbox: The Movie დიდ ოპტიმიზმს ნამდვილად არ იწვევს; თუმცა, მეორე მხრივ, Apple-ის კინოპროექტები აქამდეც ხშირად სერიალებზე ერთი-ორი საფეხურით სუსტი იყო.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…