დღეს, 12 აპრილს ბერლინი-თბილისის რეისით საქართველოს მოქალაქეები სამშობლოში დაბრუნდნენ. საგარეო საქმეთა სამინისტროს ცნობით, მგზავრთა შორის არიან ფეხმძიმე ქალები, მცირეწლოვანი ბავშვები, სხვადასხვა ქრონიკული და მიმდინარე, მათ შორის განსაკუთრებულად მძიმე ფორმის დაავადებების მქონე პირები. რეისს, ასევე, მოჰყვება მძიმე პაციენტი, საქართველოს მოქალაქე, რომელიც რეანომობილით გადმოიყვანეს ჰამბურგიდან, ბერლინის აეროპორტამდე.

საკოორდინაციო საბჭოსთან განსაზღვრული ავიარეისების ფარგლებში, სამშობლოში უკვე დაბრუნდნენ მოქალქეები ბერლინიდან, ვენიდან, ამსტერდამიდან, ლონდონიდან, ათენიდან, აშშ-დან და ლარნაკადან. 12 აპრილის მონაცემებით, სამშობლოში მთავრობის ხელშეწყობით ორგანიზებულად დაბრუნდა 5 319 მოქალაქე.

12 აპრილის მონაცემებით, საქართველოში კორონავირუსის კიდევ 10 ახალი შემთხვევა დადასტურდა და ინფიცირებულთა საერთო რიცხვი 252-მდე გაიზარდა. ინფიცირებულთა შორის, გამოჯანმრთელებულია 63 ადამიანი და გარდაცვლილია 3 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: