დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში ახალი კორონავირუსის 2 ახალი შემთხვევა დადასტურდა და ჯამში ინფიცირებულთა რაოდენობამ 85 შეადგინა.

ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.

მისი თქმით, ახალი შემთხვევებიდან ერთი ადამიანი ინფექციურში მკურნალობს და მისი მდგომარეობა ამ ეტაპზე მძიმეა, თუმცა ზუსტი ინფორმაცია დამატებითი კვლევების შემდეგ ექნება.

რაც შეეხება მისი ინფიცირების წყაროს, ეზუგბაია ამბობს, რომ ზუსტად არ იცის, თუმცა პაციენტს უცხოეთში მოგზაურობის ისტორია არ აქვს და როგორც მისთვის ცნობილია, "სამსახურებრივად აქვს ურთიერთობა უცხოელებთან".

ინფექციური საავადმყოფოს სამედიცინო დირექტორმა ასევე აღნიშნა, რომ ინფიცირებული ავადმყოფობის გამო სახლში, პრაქტიკულად, თვითიზოლაციაში იყო.

ამ ეტაპზე ინფექციურ საავადმყოფოში 46 პაციენტი ჰყავთ, დანარჩენი 39 ადამიანი კი ექვს სხვადასხვა კლინიკაშია.

საქართველოში კორონავირუსით ინფიცირების 85 დადასტურებული შემთხვევიდან 14 უკვე გამოჯანმრთელდა. კარანტინის რეჟიმში იმყოფება 4641 ადამიანი, ხოლო სტაციონარში მეთვალყურეობის ქვეშ — 239.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: