ევროკავშირმა რუსეთის სახელმწიფო დუმის მიერ ყირიმსა და სევასტოპოლში წარმოდგენილი 6 დეპუტატი იმ სიაში შეიყვანა, რომლის მიმართაც ევროკავშირის სანქციები მოქმედებს. ამის შესახებ ინფორმაციას თავად ევროკავშირი ავრცელებს.

8 ნოემბერს ცნობილი გახდა, რომ ევროკავშირის წევრი ქვეყნების ფინანსთა მინისტრებმა რუსეთის მიმართ, ყირიმის ანექსიის გამო, პერსონალური სანქციები კიდევ დააწესეს. უფრო ადრე კი, ევროპის საბჭოს საპარლამენტო ასამბლეამ რუსეთის საპარლამენტო არჩევნების ყირიმის ტერიტორიაზე ჩატარება კანონიერად არ სცნო.

ევროკავშირის ე.წ. შავი სია 158 კაცამდეა გაზრდილი. გარდა ამისა, მასში 37 რუსული ორგანიზაციაც შედის. თუმცა, როგორ Tass იტყობინება, რუსეთის საგარეო უწყება მიიჩნევს, რომ ევროკავშირის ზემოაღნიშნული გადაწყვეტილება ორ მხარეს შორის ნორმალური დიალოგის წარმართვის აღდგენას ხელს შეუშლის და ამბობს, რომ აღნიშნულ გადაწყვეტილებას შესაბამისი შედეგები მოჰყვება.