უმრავლესობის წევრი, გია გაჩეჩილაძე ამბობს, რომ საგანგებო სიტუაციის შემოღება ქვეყანაში პანიკურ სიტუაციას შექმნის. მისი თქმით, თუ ვირუსის მასიური გავრცელების საფრთხე დადგება, მხოლოდ მაშინ შეიძლება, რომ საგანგებო სიტუაციის შემოღება აუცილებელი გახდეს.

"მე ვფიქრობ, რომ ამ შემთხვევაში აღმასრულებელ ხელისუფლებას უნდა დავუჯეროთ საგანგებო იქნება თუ არ იქნება. რაც შეეხება პანიკას, მე ვფიქრობ, რომ სწორედ საგანგებო სიტუაციის შემოღება შექმნის პანიკურ სიტუაციას ქვეყანაში. იმიტომ, რომ საგანგებო სიტუაცია სწორედ ისეთი სიტუაციაა, რომელიც საზოგადოებაში აღიქმება, როგორც განსაკუთრებული საფრთხე", — განაცხადა გაჩეჩილაძემ.

ეპიდსიტუაცია საქართველოში: შეზღუდვები და რეკომენდაციები

19 მარტის მდგომარეობით, საქართველოში კორონავირუსით ინფიცირების 40 შემთხვევაა დადასტურებული.

დაავადებათა კონტროლის ცენტრის დირექტორის განცხადებით, ამ ეტაპზე სიტუაცია კონტროლდება, თუმცა, შესაძლოა, მომდევნო კვირას ინფექციის პირველწყარო ვეღარ დაადგინონ. ჯანდაცვის მინისტრის განმარტებით, ასეთ შემთხვევაში, შესაძლოა, დაავადებულთა რაოდენობა 80-100-მდე გაიზარდოს და პიკური მომენტი დადგეს. ინფიცირების რისკის ზრდის შემთხვევაში, მთავრობა შეზღუდვების გამკაცრებას გეგმავს და კარანტინის გამოცხადებას არ გამორიცხავს.

რაც შეეხება მოქმედ შეზღუდვებს, ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის. ყველა სახელმწიფო და კერძო დაწესებულებას დისტანციურ რეჟიმში მუშაობის რეკომენდაცია აქვს მიცემული, მათ შორის, კაფე-ბარებსა და რესტორნებს. აკრძალულია სამარშრუტო ტაქსების გადაადგილება და სრულად შეზღუდულია სპორტ დარბაზებისა და სპა ცენტრების ფუნქციონირება. ასევე, 70 წელს ზევით მოქალაქეებს თვითიზოლაციაში დარჩენა ურჩიეს.

შეზღუდვები შეეხოთ ჟურნალისტებსაც, პარლამენტში მათ მხოლოდ კონკრეტული ლოკაციებიდან მუშაობის უფლება აქვთ, მთავრობის ბრიფინგებზე კი მათი დაშვება აიკრძალა. მედიები ბრიფინგის საერთო სიგნალს მიიღებენ და კითხვებს წინასწარ გაგზავნიან.

მთავრობის გადაწყვეტილებით, შსს აკონტროლებს უცხოეთიდან ჩამოსულ, იზოლაციაში მყოფ ყველა პირს და დარღვევის შემთხვევაში ისინი იძულებით კარანტინში გადაჰყავს. ამ ეტაპზე იძულებით კარანტინშია გადაყვანილი 127 ადამიანი. პარლამენტი განიხილავს, რომ თვითიზოლაციის წესების დარღვევა დასჯადი გახდეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: