დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

მთავრობის ადმინისტრაციის ბრიფინგებს მედია აღარ დაესწრება და საზოგადოებრივ მაუწყებლზე გადაიცემა. ამის შესახებ მთავრობის პრესსპიკერმა, ირაკლი ჩიქოვანმა დღეს, 18 მარტს გამართული ბრიფინგზე განაცხადა.

მისი თქმით, აღნიშნული გადაწყვეტილება კორონავირუსისგან მედიის წარმომადგენლების დაცვის მიზნით მიიღეს.

როგორც ჩიქოვანმა თქვა, თითოეულ მაუწყებელს ექნება საშუალება, რომ საერთო სიგნალი მიიღოს და ასევე, მედიის წარმომადგენლებს, ექნებათ საშუალება, რომ მთავრობის პრესსამსახურს შეკითხვები წინასწარ მიაწოდონ.

მისივე თქმით, ოპერატიულ რეჟიმში სპეციალური საკომუნიკაციო პლატფორმა შეიქმნება.

პანდემია და რეკომენდაციები

18 მარტის მონაცემებით, საქართველოში კორონავირუსით ინფიცირების 38 შემთხვევაა დაფიქსირებული.

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა და უწყებათაშორისი საკოორდინაციო საბჭო მუშაობის საგანგებო რეჟიმზე გადავიდა და შეზღუდვები და რეკომენდაციები გაავრცელა. ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის. ყველა სახელმწიფო და კერძო დაწესებულებას დისტანციურ რეჟიმში მუშაობის რეკომენდაცია აქვს მიცემული ისევე, როგორც კაფე-ბარებსა და რესტორნებს. ასევე, 70 წელს ზევით მოქალაქეებს თვითიზოლაციაში დარჩენა ურჩიეს.

მთავრობის გადაწყვეტილებით, შსს აკონტროლებს უცხოეთიდან ჩამოსულ, იზოლაციაში მყოფ ყველა პირს და დარღვევის შემთხვევაში ისინი იძულებით კარანტინში გადაყავს. ასევე, შეიქმნება სპეციალური მექანიზმი, რომელიც საკოორდინაციო საბჭოს გადაწყვეტილებების აღსრულებას შეამოწმებს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: