თბილისში, ჭავჭავაძის გამზირის ტროტუარზე, სადაც, წესით, ქვეითად მოსიარულეები უნდა დადიოდნენ, გზის რეაბილიტაციის გამო მანქანები მოძრაობენ. ვიდეო, რომელიც ტროტუარზე მანქანების მოძრაობას ასახავს ფეისბუქმომხმარებელმა გაავრცელა.

ვიდეომასალაში, ასევე, ჩანს, რომ ტროტუარზე მანქანების მოძრაობის პარალელურად ბავშვები გადაადგილდებიან.

ჭავჭავაძის გამზირის რეაბილიტაცია რამდენიმე თვის წინ დაიწყო. ახლა გამზირის მხოლოდ ნაწილია განახლებული და სამუშაოები გზის დარჩენილ ნაწილზე გრძელდება.