შინაგან საქმეთა სამინისტრომ საერთაშორისო დონეზე ძებნილი პირი დააკავა. ქალი უზბეკეთის მოქალაქეა და ყაზახეთის სამართალდამცავი ორგანოების მოთხოვნის საფუძველზე, ინტერპოლის წითელი ცირკულარით იძებნებოდა.

სამართალდამცველებმა ოპერატიულ-საგამოძიებო მოქმედებები სარფის საბაჟო-გამშვები პუნქტის ტერიტორიაზე ჩაატარეს, სადაც ძებნილი პირი დააკავეს კიდეც. ამ დროისთვის მის მიმართ კანონით განსაზღვრული საექსტრადიციო პროცედურები უკვე დაწყებულია.

"შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა, ინტერპოლის წითელი ცირკულარით ძებნილი, უზბეკეთის რესპუბლიკის მოქალაქე დააკავეს.

დაკავებული, ყაზახეთის რესპუბლიკის სამართალდამცავი ორგანოების მოთხოვნის საფუძველზე, ინტერპოლის წითელი ცირკულარით საერთაშორისო დონეზე იძებნებოდა.

სამართალდამცველებმა, ჩატარებული საგამოძიებო მოქმედებების შედეგად, ძებნილი პირი "სარფის" საბაჟო გამშვები პუნქტის ტერიტორიაზე დააკავეს.

ამჟამად, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს", — აღნიშნულია უწყების განცხადებაში.