შსს-ს ცნობით, მძღოლი, რომელიც გორში დედა-შვილს დაეჯახა, ავტომობილს არაფხიზელ მდგომარეობაში მართავდა. ინფორმაციას IPN ავრცელებს.

დღეს ცნობილი გახდა, რომ კლინიკაში გარდაიცვალა 3 წლის ბავშვი, რომელსაც გორში ავტომანქანა დაეჯახა. კლინიკაში გადაყვანის შემდეგ დაიღუპა დედაც. ქართლის ამბების ცნობით, დედა-შვილს, 13 ივლისს, საღამოს, გორში, ჭავჭავაძის გამზირზე, კინოთეატრ "გამარჯვების" შენობის წინ მანქანა დაეჯახა.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ავტოსაგზაო შემთხვევაში მონაწილე მძღოლი დაკავებულია.