"მე მგონი მას თავისი მოქმედი სასჯელი არ აკმაყოფილებს, გამოდის ახალი დანაშაულებრივი განცხადებებით", — განაცხადა ირაკლი კობახიძემ მედიასთან საუბრისას საქართველოს მე-3 პრეზიდენტის, მიხეილ სააკაშვილის განცხადებაზე კომენტირებისას, სადაც ის აცხადებს, რომ "მეტი რადიკალიზაციაა საჭირო, არჩევნების დრო არ არის, დროა რევოლუციის".

"მე მგონი მას თავისი მოქმედი სასჯელი არ აკმაყოფილებს, გამოდის ახალი დანაშაულებრივი განცხადებებით. ერთი, რომ არასერიოზულია აბსოლუტურად ეს განცხადებები. მას არაერთი ასეთი განცხადება გაუკეთებია წლების განმავლობაში, 2012 წლიდან მოყოლებული, თუმცა ყოველ ჯერზე მისი განცხადებები დარჩა, რა თქმა უნდა, ცარიელ განცხადებებად და ასე გაგრძელდება, ბუნებრივია, მომავალშიც. სააკაშვილი არ არის საერთოდ ფიგურა ქართულ პოლიტიკაში. ეს, მე მგონი, ყველასთვის სრულიად ცხადია", — განაცხადა ირაკლი კობახიძემ.