შინაგან საქმეთა სამინისტროს განცხადებით, თბილისში ქურდობის მცდელობის ბრალდებით 1969 წელს დაბადებული პირი დააკავეს. დანაშაული 4-დან 7 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, 112-ში შევიდა შეტყობინება, რომ თამარაშვილის ქუჩაზე ერთ-ერთი მოქალაქის საცხოვრებელ ბინაში უცხო პირი შესვლას ცდილობდა. ბრალდებული მიმალვისას დააკავეს.

გამოძიება ქურდობის მცდელობის ბრალდებით მიმდინარეობს, სისხლის სამართლის კოდექსის 19-177-ე მუხლის მე-3 ნაწილის "გ" ქვეპუნქტით.