უნგრეთის ყოფილმა საგარეო საქმეთა მინისტრმა, პიტერ სიაარტომ უნგრეთის პარლამენტის წევრის მანდატი დატოვა და სამუშაოდ ჩინურ ელექტრომობილების მწარმოებელ BYD-ში გადავიდა. AP-ის ცნობით, ის BYD-ში პასუხისმგებელი იქნება გარე ურთიერთობებსა და ახალი ბიზნესმიმართულებების განვითარებაზე.

სიაარტოს გადაწყვეტილება მწვავე კრიტიკის საგანი გახდა, რადგან მინისტრობის პერიოდში სწორედ ის იყო ერთ-ერთი მთავარი ფიგურა, რომელმაც BYD-ისა და სხვა ჩინური კომპანიების მსხვილი ინვესტიციები უნგრეთში მოიზიდა. ოპოზიცია ინტერესთა შესაძლო კონფლიქტზე საუბრობს და აღნიშნავს, რომ მან სახელმწიფო თანამდებობიდან პირდაპირ იმ კომპანიაში გადაინაცვლა, რომლის ინტერესებსაც წლების განმავლობაში ლობირებდა.

შეგახსენებთ, რომ პიტერ სიიარტო უნგრეთის საგარეო საქმეთა მინისტრი 2014–2026 წლებში იყო.

მისი ნაბიჯი უნგრეთის პრემიერმა, პიტერ მადირამა ასე შეაფასა: "იგი სათავეში ჩაუდგება იმ ჩინურ კომპანიას, რომლისთვისაც წარსულში უნგრეთის სახელმწიფო ბიუჯეტიდან უზარმაზარ სუბსიდიებს ლობირებდა. აქამდე არსებულ ვითარებასთან შედარებით განსხვავება მხოლოდ ის არის, რომ ამიერიდან სიიარტოს იმავე "საქმიანობისთვის" უნგრელი ხალხი კი არ გადაუხდის ხელფასს, არამედ მისი რეალური დამსაქმებელი.

ამ ყველაფრის ფონზე, "ფიდესის" ამომრჩევლისთვისაც კი აშკარა ხდება, თუ ვის ინტერესებს იცავდა დამხობილი ორბანის მთავრობის ყოფილი საგარეო საქმეთა მინისტრი აკუმულატორებისა და საავტომობილო ინდუსტრიის იმ მრავალმილიარდიან ინვესტიციებთან მიმართებით, რომლებიც ათასობით მილიარდ ფორინტს შეადგენდა", — დაწერა მადიარმა სოციალურ ქსელში.

მადიარი პროგნოზირებს, რომ არა მხოლოდ ყოფილი მმართველი პარტია დაიშლება, არამედ "ფიდესის" საპარლამენტო ფრაქციაც სრულად ჩამოიშლება.

"ამასობაში, "ფიდესის" გავლენიანი პოლიტიკოსები სათითაოდ ტოვებენ ჩაძირულ გემს და დღეს ახალი პარტიის დაფუძნების შესახებაც კი განაცხადეს.

მოსალოდნელია, რომ არა მხოლოდ ყოფილი მმართველი პარტია დაიშლება ნაწილებად, არამედ "ფიდესის" საპარლამენტო ფრაქციაც სრულად ჩამოიშლება.

"ფიდესმა" უკვე ოფიციალურად დაადგა გაუქმების გზას, რითაც "თავისუფალ დემოკრატთა კავშირისა" (SZDSZ) და რეჟიმის ცვლილების დროინდელი სხვა ყოფილი პარტიების ბედი გაიზიარა.

ამ დროს კი ვიქტორ ორბანი, რომელმაც საკუთარი პოლიტიკური გაერთიანება აისბერგს შეაჯახა, სოციალურ ქსელში კონსტიტუციურ კრიზისზე პოსტავს, თავად კი ოჯახთან და ოლიგარქებთან ერთად ამერიკის შეერთებულ შტატებში გაემგზავრა მატჩის საყურებლად.

Sic transit gloria mundi — ასე წარმავალია ამქვეყნიური დიდება.

ამ ფონზე, "ტისას" მთავრობა დღესაც მართავს სხდომას და უნგრელი ხალხის საკეთილდღეოდ მნიშვნელოვან გადაწყვეტილებებს იღებს", — წერს სოციალურ ქსელში უნგრეთის პრემიერი პეტერ მადიარი.

პიტერ სიიარტოს მმართველ პარტია ქართულ ოცნებასთან მჭიდრო პოლიტიკური ურთიერთობა ჰქონდა. ეს კავშირი ძირითადად სახელმწიფოთაშორის თანამშრომლობასა და იდეოლოგიურ სიახლოვეს ეფუძნებოდა. სიიარტო და უნგრეთის პრემიერმინისტრი ვიქტორ ორბანი არაერთხელ გამოსულან საქართველოს მთავრობის მხარდასაჭერად, განსაკუთრებით მაშინ, როდესაც თბილისსა და ევროკავშირის ინსტიტუტებს შორის დაძაბულობა გაიზარდა. სიიარტო 5-ჯე რიმყოფებოდა საქართველოში — 2016, 2020, 2023 და 2024 წლებში, ამ ვიზიტებისას ჰქონდა შეხვედრები ირაკლი კობახიძესთან და მაკა ბოჭორიშვილთან და მონაწილეობს საქართველო–უნგრეთის მთავრობათაშორისი თანამშრომლობის ფორმატებში.