აშშ-ს სახელმწიფო დეპარტამენტი საქართველოში ჩატარებულ საპრეზიდენტო არჩევნებს კიდევ ერთხელ გამოეხმაურა და განაცხადა, რომ "მრავალრიცხოვანი დარღვევები აშფოთებთ".

აშშ-ს სახელმწიფო დეპარტამენტის ოფიციალური წარმომადგენლის თქმით, რომელიც საქართველოსთან და უკრაინასთან ერთად ჩრდილოატლანტიკური საბჭოს სხდომას ესწრებოდა, მომდევნო წლის პირველი ნახევარი საქართველოში დემოკრატიული ინსტიტუტების ტესტი იქნება.

"ჩვენ ვართ მოხარულები, რომ საპრეზიდენტო არჩევნები შეუფერხებლად ჩატარდა. შეშფოთებულები ვართ მრავალრიცხოვანი დარღვევებით, რაც არჩევნებზე დავინახეთ, მაგრამ ახლა განსაკუთრებული სიფრთხილით ვაკვირდებით, როგორ აღასრულებს საქართველო ახალ კონსტიტუციას. მე ვფიქრობ, რომ მომავალი წლის პირველი ნახევარი საქართველოში დემოკრატიული ინსტიტუტების ტესტი იქნება", — განაცხადა დეპარტამენტის წარმომადგენელმა.

კითხვაზე, აქვს თუ არა საქართველოს შანსი გახდეს ნატოს წევრი, აშშ-ს ოფიციალური წარმომადგენელი პასუხობს, რომ აშშ-ს ამ საკითხზე პოზიცია არ შეუცვლია.

"ვფიქრობ, ნათლად დავაფიქსირეთ, რომ ჩვენ ვდგავართ საქართველოს გვერდით. ამის დასტურია 2008 წლის ბუქარესტის დეკლარაცია. საქართველოს აქვს მომავალი ნატოში. საქართველომ საგრძნობლად ბევრი რეფორმა განახორციელა. ცალკე უნდა აღინიშნოს საქართველოს განუზომელი კონტრიბუცია საერთაშორისო მისიებში. ჩვენი პოლიტიკური პოზიცია ამ საკითხზე არ შეცვლილა", — განაცხადა მან.

აშშ-ს სახელმწიფო დეპარტამენტის კრიტიკას არჩევნებში დაფიქსირებულ დარღვევებზე საქართველოში მმართველი გუნდისა და ოპოზიციის გამოხმაურებები მოჰყვა.

გაერთიანებული ოპოზიციის წევრი, პაატა დავითაია ფიქრობს, რომ აშშ-ს სახელმწიფო დეპარტამენტი თავის შეფასებებში მწვავეა, რაც უარყოფითად აისახება ქვეყნის რეპუტაციაზე.

"არც გამკვირვებია. ვიცოდი, რომ ეს განცხადება გაკეთდებოდა. გუშინ არჩევანშიც მივუთითე იმაზე, რომ ჩვენი საერთაშორისო პარტნიორები უკვე ღიად ჩაერთვნენ გაერთიანებულ ოპოზიციასთან კონსულტაციებში", — უთხრა რუსთავი 2-ს მ პაატა დავითაიამ.

მმართველი გუნდის დეპუტატი გია ვოლსკი აცხადებს, რომ ეს არის სიგნალი აშშ-ს მხრიდან, რომ საარჩევნო სისტემა დასახვეწია.

"ბევრია გამოსასწორებელი, მაგრამ ეს მხოლოდ სახელისუფლებო რგოლს არ ეხება. პოლიტიკური კულტურა, რომელიც საქართველოს დღესდღეობით გააჩპრეზიდენტი სალომე ზურაბიშვილი ხდება — ხმების 100% დათვლილიანია, ჩამორჩება საერთაშორისო სტანდარტს", — განუცხადა ჟურნალისტებს გია ვოლსკიმ.

საპრეზიდენტო არჩევნები

საქართველოს მეხუთე პრეზიდენტი მმართველი გუნდის მიერ მხარდაჭერილი კანდიდატი, სალომე ზურაბიშვილი იქნება. მან არჩევნების მეორე ტურში გაერთიანებული ოპოზიციის კანდიდატს, გრიგოლ ვაშაძეს 59,52%-ით მოუგო. გრიგოლ ვაშაძის პროცენტული მაჩვენებელი მეორე ტურში 40,48%-ია.

გაერთიანებულმა ოპოზიციამ არჩევნების შედეგები არ აღიარა და განაცხადა, რომ უპრეცედენტო გაყალბების ფაქტები დაფიქსირდა. ისინი ვადამდელ საპარლამენტო არჩევნებსა და საარჩევნო კოდექსის ცვლილებას ითხოვენ. ხელისუფლებას ამ საკითხების განსახილველად სამუშაო ჯგუფის შექმნაც შესთავაზეს და ვადა 16 დეკემბრამდე მისცეს.

მმართველი გუნდი ოპოზიციასთან მოლაპარაკებას არ აპირებს და ურჩევს მათ აღიარონ არჩევნებში დამარცხება. საარჩევნო პროცესში დარღვევეზე ისაუბრა როგორც საერთაშორისო, ისე ადგილობრივმა სადამკვირვებლო ორგანიზაციებმა. ეროვნულ დემოკრატიული ინსტიტუტის (NDI) სადამკვირვებლო დელეგაციის დასკვნით, არჩევნების დღემ ძირითადად მშვიდ გარემოში ჩაიარა, თუმცა მეორე ტურის წინასაარჩევნო პერიოდი პოლარიზებული იყო და ძალადობისა და შევიწროების ინციდენტებით ხასიათდებოდა.