ლევან ხაბეიშვილი ნაციონალური მოძრაობის პოლიტსაბჭოს წევრის, ლაშა ცანავას განცხადებას ეხმაურება. ცანავამ დღევანდელ სასამართლო პროცესზე განაცხადა, რომ მისი დაკავების რეალური მიზეზი მისი თანაპარტიელის, ლევან ხაბეიშვილის წინააღმდეგ კომპრომატების შეგროვების მოთხოვნა იყო, რაზეც მან უარი განაცხადა.

ხაბეიშვილმა ბრიფინგზე ასევე ხაზი გაუსვა, რომ დანაშაული, რასაც ცანავას ედავებიან ამას სუს არ იძიებს, რაც უფრო დიდ ეჭვს აჩენს მისი დაკავების რეალურ მოტივზე.

"ოხანაშვილს, მდინარაძეს კობახიძეს ბოდიში უნდა ვთქვა ძალიან ვწუხვარ, რომ მიწევს თქმა, მაგრამ, თავისნაირი ქვეშაფსია და პრო*ები ჰგონია ყველა. ლაშა ცანავას, ჩემს მეგობარს, ადამიანი, რომელიც ჩემს უსაფრთხოებას იცავდა და სადაც იყო ჩემი შუბლი და კისერი, იქვე იყო მისი მუშტიც და ჩემს უსაფრთხოებას იცავდა. ტიტუშკების თავდასხმა, ქვების სროლა, ვიღაცის მოგზავნა, კვერცხის სროლა — ჩემს გვერდში იყო ყოველთვის, ჩემი ძმაკაცი, ჩემი მეგობარი, ჩემი თანამებრძოლი ლაშა ცანავა.

თქვენ გახსოვთ, რომ სანამ ცანავას დააკავებდნენ შინაგან საქმეთა სამინისტროს გვერდზე დაჭრეს, რომ ლევან ხაბეიშვილისთვის ციხის კარი გაიხსნა. და ზუსტად იმ საღამოს სუს-მა ლაშა ცანავა მოიტაცა და უნდა ესმოდეს საზოგადოებას, რომ ბრალს, რომელსაც მას ედავებიან, თან თაღლითობის მცდელობას, თაღლითობასაც არა — სუსი არ აკავებს ამაზე. ეს არ არის სუს-ის საქმე, ეს არის პოლიციის საქმე. თუმცა წაიყვანეს სუს-ში და დღეს ლაშა ცანავამ, ვაჟკაცმა კაცმა, რომელიც ვერ შეაშინეს, ვერ დააშინეს, ვერც ბევრი ფული, რომ დაუდეს და "იცით რა? ეს აქ რაღაც კადრები გვაქვს შეკერილი და აირჩიე ან 9 წელი, ან ხაბეიშვილს უთვალთვალე, ჩაწერე, გვითხარი სად გადაადგილდება, კამერა დაიბნიე და სდიე შენს მეგობარს იმისთვის, რომ მერე ჩვენ ფოხანაშვილმა, ჯეკამ, მდინარაძემ და კობახიძემ ხაბეიშვილი დავიჭიროთ, მოვყვეთ როგორი ბრუტალურია და როგორ ცდილობ რაღაც რევოლუციის მოწყობას და მერე მაგავე ხმაში ამღერებს, რომელიღაც ოპოზიციონერებს. ძალიან შეგეშალათ, ძალიან.

ჩემს გვერდში თქვენნაირი მშიშრები, მხდლები და პროჭები არ არიან. ჩემს გვერდით არიან პატრიოტები, ვაჟკაცი ბიჭები და არა ერთი. და ასე თავაწეულმა და ღირსეულად ლაშა ცანავამ თავისით გააღო თავისი საკნის კარი. ცხადია მის ბრძოლას გავაგრძელებთ ჩვენ და არავის არ ეშინია.

მინდა მივმართო ბიძინა ივანიშვილს — ბიძინა შენ ხომ გიყვარს ასე "პაპანიაწე" საუბარი, რაღაც მოკრიმინალო, ვითომ [...] ხო მაგარი ბიჭი ხარ? ხოდა დააყენე შენი ახალი ჯეელი, ქვეშაფსიები. მოდი აბა შევერკინოთ თუ მაგარი ხარ. ჩვენ ქართველი ხალხი და შენ შენი რუსალკებით, მოდი აბა," — განაცხადა ხაბეიშვილმა. (სტილი დაცულია)

ნაციონალური მოძრაობის პოლიტსაბჭოს წევრს, ლაშა ცანავას პატიმრობა შეეფარდა. ცანავას ბრალი თაღლითობაში ედება და 9 წლამდე თავისუფლების აღკვეთა ემუქრება. ცანავამ დღევანდელ სასამართლო პროცესზე განაცხადა, რომ მისი დაკავების რეალური მიზეზი მისი თანაპარტიელის, ლევან ხაბეიშვილის წინააღმდეგ კომპრომატების შეგროვების მოთხოვნა იყო, რაზეც მან უარი განაცხადა.

• ლაშა ცანავას თქმით, სუს-მა თავისუფლების სანაცვლოდ თანამშრომლობა და ლევან ხაბეიშვილის ფარულად ჩაწერა მოსთხოვა