ჰოლივუდის ორი ვარსკვლავის რომანტიკული ურთიერთობის შესახებ ჭორები დადასტურდა —როგორც ირკვევა, პამელა ანდერსონსა და ლიამ ნისონს შორის რომანი ფილმის The Naked Gun გადაღებების შემდეგ დაიწყო.

მსახიობებთან დაახლოებული წყარო გამოცემა PEOPLE-თან ამბობს: "ეს რომანი ჯერ კიდევ საწყის ეტაპზეა. გულწრფელია და აშკარაა, რომ პამელა და ლიამი ერთმანეთით მოხიბლულები არიან."

73 წლის ნისონი და 58 წლის ანდერსონი ამჟამად "ერთმანეთის კომპანიით სიამოვნებას იღებენ," ამბობს იგივე წყარო. მსახიობები ახალ კომედიას, რომლის პრემიერაც კინოთეატრებში 1 აგვისტოს შედგება, ერთობლივად უკეთებენ რეკლამას.

ანდერსონისა და ნისონის წარმომადგენლებს რომანზე ამ ეტაპზე კომენტარი არ გაუკეთებიათ.

ფილმის ნიუ-იორკში ჩატარებულ პრემიერაზე, რომელიც 28 ივლისს, ორშაბათს გაიმართა, ორივე ვარსკვლავმა მიიყვანა თავიანთი შვილები წითელ ხალიჩაზე ერთობლივი ფოტოს გადასაღებად. ანდერსონს ორი შვილი ჰყავს — ბრენდონი, 29 წლის, და დილანი, 27 წლის, ყოფილი ქმრის, ტომი ლისგან. ნისონსაც ორი ვაჟი ჰყავს — 30 წლის მაიკლი და 28 წლის დანიელი, გარდაცვლილი მეუღლის, ნატაშა რიჩარდსონისგან.

ფოტო: Kristina Bumphrey/Variety via Getty

მეორე დილით, 29 ივლისს, ანდერსონი და ნისონი სატელევიზიო შოუში Today სტუმრობისას კოცნაში გამოიჭირეს — სახალისო მომენტი პირდაპირ ეთერში მოხდა. მანამდე, 22 ივლისს ლონდონში გამართულ პრემიერაზე, ანდერსონმა ნისონს ლოყაზე აკოცა.

ფოტო: Nils Jorgensen/Shutterstock

2024 წლის ოქტომბერში, ინტერვიუში PEOPLE-თან, ნისონმა ანდერსონზე ძალიან თბილად ისაუბრა: "პამელაზე ნამდვილად შეყვარებული ვარ. მასთან მუშაობა ნამდვილი სიამოვნებაა," — თქვა მსახიობმა. "არაფრისგან იკავებს თავს, ძალიან პროფესიონალია, არანაირი ეგო არ აქვს. უბრალოდ მოდის და საქმეს აკეთებს. სასაცილოა და ძალიან მარტივია მასთან თანამშრომლობა."

თავის მხრივ, ანდერსონმა ნისონი ასე შეაფასა: "ის იდეალური ჯენტლმენია. გიბიძგებს, რომ შენი საუკეთესო ვერსია იყო — პატივისცემით, გულწრფელობით და გამოცდილების სიღრმით. მის გვერდით მუშაობა ნამდვილი პატივი იყო."

გამოცემა Entertainment Weekly-ს ივლისში გამოქვეყნებულ ინტერვიუში ანდერსონმა თქვა:
"მგონია, რომ ლიამში სამუდამო მეგობარი ვიპოვე," და დასძინა: "ჩვენ ნამდვილად გვაკავშირებს გულწრფელი, სიყვარულით სავსე კავშირი. ის მართლა კარგი ადამიანია."

მაისში, ასევე EW-სთან საუბარში, ანდერსონმა თქვა, რომ ნისონთან ლიტერატურის სიყვარულმა და კარგი იუმორის გრძნობამ დააკავშირა — "როდესაც გადაღებები დასრულდა, ხშირად ვსადილობდით ქასთთან ერთად. მე და ჩემი ასისტენტი მას და მის ასისტენტს ვიწვევდით რომანტიკულ სადილებზე — ასე რომ, გადაღებების დროს ჩვენი ურთიერთობა პროფესიულად რომანტიკულად დარჩა," — უთხრა მან გამოცემას.

პოსტერი ფილმისთვის The Naked Gun

პოსტერი ფილმისთვის The Naked Gun

ფილმში The Naked Gun ნისონი ასრულებს ლეიტენანტ ფრენკ დრებინ ჯუნიორის როლს. ანდერსონი მისი რომანტიკული ინტერესის — ბეთსის როლში გვევლინება.

The Naked Gun კინოთეატრებში პარასკევს, 1-ელ აგვისტოს გამოდის.