გრიგოლ ვაშაძემ ხელისუფლებას მოუწოდა, კრიზისის დასაძლევად, შექმნან სამუშაო ჯგუფი. მისივე თქმით, გაერთიანებული ოპოზიციაც იმავე რაოდენობის დელეგაციას შექმნის. გრიგოლ ვაშაძემ ხელისუფლებას სამუშაო ჯგუფის შესაქმნელად ვადა 16 დეკემბრამდე მისცა:

"სამოქალაქო დაკვირვების ქვეშ ცივილიზებურად, ევროპულად, კონსტიტუციურად, სამართლებრივად, ერთად გამოვიდეთ პოლიტიკური კრიზისიდან".

გრიგოლ ვაშაძემ რუსთაველის გამზირზე შეკრებილ მომხრეებს ოპოზიციის მოთხოვნები გააცნო:

  • ვადამდელ საპარლამენტო არჩევნებს;
  • საარჩევნო სისტემის ძირეულ ცვლილებას;
  • უნდა გაუქმდეს საოლქო კომისიები, რომელიც გაყალბების ინსტრუმენტია;
  • საჯარო მოხელეებს უნდა აეკრძალოთ საარჩევნო პროცესში მონაწილეობა.

ამ წუთებში, თბილისის პარლამენტის შენობის წინ გაერთიანებული ოპოზიციის აქცია იმართება. რუსთაველის გამზირის საავტომობილო გზის ორივე მხარე გადაკეტილია. ოპოზიიცის წევრები აცხადებენ, რომ ისინი არ ცნობენ საპრეზიდენტო არჩევნების შედეგებს. მათი აზრით "ხმები მოიპარეს" და არჩევნები გაყალბდა.