ჯერემი ალენ უაითი და მაიკი მედისონი, შესაძლოა, აარონ სორკინის ახალ ფილმში — სოციალური ქსელი 2 — ვიხილოთ. წყაროს ცნობით, რეჟისორმა უაითსა და მედისონს "თვალი დაადგა".

გამოცემა Deadline-ის ცნობით, მსახიობებს ფილმში მონაწილეობის ოფიციალური შემოთავაზება, ჯერჯერობით, არ მიუღიათ. თუმცა გავრცელებული ინფორმაციით, ისინი ფილმის რეჟისორს შეხვდნენ.

ჯერემი ალენ უაითი

ჯერემი ალენ უაითი

ფოტო: Marc Piasecki / WireImage

მაიკი მედისონი

მაიკი მედისონი

ფოტო: Getty Images

წყაროს ცნობით, ფილმ ანორას ვარსკვლავსა და ოსკაროსან მსახიობ, მაიკი მედისონს, ფილმში ფეისბუქის ინფორმატორის, ფრენსის ჰაუგენის როლს უწინასწარმეტყველებენ. უაითს, სავარაუდოდ, ჯეფ ჰორვიცის, Wall Street Journal-ის ყოფილი რეპორტიორის, რომელიც The Facebook Files-ის გამოაშკარავებას ხელმძღვანელობდა, როლს შეასრულებს.

აღსანიშნავია, რომ სოციალური ქსელი 2 დევიდ ფინჩერის ორიგინალი ფილმის პირდაპირი გაგრძელება არ არის. წყაროს თქმით, ახალი ფილმი არ იქნება "6 იანვრის მოვლენებზე" (2021 წლის 6 იანვარი, როდესაც დონალდ ტრამპი საპრეზიდენტო არჩევნებში დამარცხდა, მისი კი მხარდამჭერები კაპიტოლიუმში შეცვივდნენ) — არამედ ფეისბუქის გავლენაზე ახალგაზრდებზე, დეზინფორმაციაზე და ძალადობასა და სხვა ქვეყნებზე.

კადრი ფილმიდან "სოციალური ქსელი"

კადრი ფილმიდან "სოციალური ქსელი"

ფოტო: Columbia Pictures

როგორც ცნობილია, ფილმის პროდიუსერები სორკინი, სტიუარტ ბესერი, პიტერ რაისი და ტოდ ბლეკი იქნებიან. პროდიუსერები, ჯერჯერობით, არ ასაჯაროვებენ მარკ ზაკერბერგის როლის შემსრულებელ მსახიობზე ინფორმაციას. უცნობია, დაბრუნდება თუ არა ამ როლზე ჯესი აიზენბერგი.

აქვე შეგახსენებთ, რომ ჯერემი ალენ უაითს ძალიან მალე ბრუს სპრინგსტინის როლში ვიხილავთ ფილმისთვის — Deliver Me From Nowhere, რომელიც კინოთეატრებში 24 ოქტომბერს გამოდის. ხოლო მაიკი მადისონი A24-ის ფილმ წითელი სიკვდილის ნიღაბში თამაშობს, რომლის გადაღებები 2026 წლის დასაწყისში იგეგმება.