მალტა სექტემბერში, გაეროს გენერალურ ასამბლეაზე, პალესტინის სახელმწიფოს აღიარებას გამოაცხადებს — ამის შესახებ მალტის პრემიერმინისტრმა რობერტ აბელამ განაცხადა. ამ ინფორმაციას Reuters ავრცელებს.

მისი განცხადება დიდი ბრიტანეთის პრემიერმინისტრის კირ სტარმერის ანალოგიურ განცხადებას და საფრანგეთის მიერ რამდენიმე დღის წინ გავრცელებულ გეგმას მოჰყვა.

"ჩვენი პოზიცია ახლო აღმოსავლეთში მდგრადი მშვიდობის დამყარებისადმი ჩვენს ერთგულებას ასახავს," — დაწერა აბელამ ფეისბუკზე.

აბელამ ჯერ კიდევ მაისში განაცხადა, რომ მალტა პალესტინის აღიარებას გეგმავდა ივნისში დაგეგმილ გაეროს კონფერენციაზე, თუმცა კონფერენცია გადაიდო.

ირლანდიამ, ნორვეგიამ და ესპანეთმა პალესტინა მაისში დამოუკიდებელ სახელმწიფოდ უკვე აღიარეს.