ლიეტუვის პრემიერმინისტრი თანამდებობიდან გადადგა. ამის შესახებ ინფორმაციას ადგილობრივი მედია პრეზიდენტ, გიტანას ნაუსედაზე დაყრდნობით ავრცელებს.

ლიტვის პრემიერმინისტრი გინტაუტას პალუცკასისი პრემიერმინისტრისა და ლიეტუვის სოციალ-დემოკრატიული პარტიის თავმჯდომარის თანამდებობებიდან გადადგა.

"დილით ბატონმა პალუცკასისმა დამირეკა და მაცნობა თავისი გადადგომის შესახებ.ფაქტი ესაა" – თქვა ნაუსედამ.

Reuters-ის ცნობით, ლიეტუვაში ოპოზიციური პარტიები პალუცკასისს ბიზნესგარიგებების გამო აკრიტიკებენ , რომლის მიხედვითაც, კომპანია, რომლის თანამფლობელიც თავად იყო, ელექტროჩანართების ბატარეებს მისი რძლის საკუთრებაში არსებულ კომპანიაზე ყიდდა. ეს გარიგება სახელმწიფოს მიერ დაფინანსდა.

ყოფილი პრემიერმინისტრი ბოლო კვირების განმავლობაში რაიმე სახის გადაცდომას უარყოფდა.

ლიეტუვის პრეზიდენტის თქმით, ახლა კონსულტაციები გაიმართება.

"საფუძვლიანი ცვლილებები არ არის მოსალოდნელი. ლიტვის სოციალ-დემოკრატიული პარტია, რომელმაც მოიგო ბოლო სეიმის (პარლამენტის) არჩევნები და ჰყავს უმრავლესობა, დაიწყებს კონსულტაციებს შესაძლო კოალიციების ფორმირებაზე," — აღნიშნა პრეზიდენტმა.

ლიეტუვის კონსტიტუციის მიხედვით, პრემიერმინისტრის გადადგომის შემთხვევაში მთავრობაც ავტომატურად გადამდგარად ითვლება, თუმცა პრეზიდენტს აქვს უფლება დროებითი მინისტრები დანიშნოს მანამ, სანამ ახალი კოალიცია და მთავრობა არ ჩამოყალიბდება.