ადამიანით ვაჭრობაში ბრალდებულ უზბეკეთის მოქალაქეს ბათუმის საქალაქო სასამართლომ 12 წლით თავისუფლების აღკვეთა შეუფარდა. ამის შესახებ ინფორმაციას მთავარი პროკურატურა ავრცელებს.

როგორც პროკურატურაში აცხადებენ, ბრალდებული დასაქმების მოტივით დაუკავშირდა აზერბაიჯანში მყოფ უზბეკეთის მოქალაქეს და საქართველოში ჩამოიყვანა. განცხადების მიხედვით, ბრალდებულმა უზბეკეთის მოქალაქე ნაქირავებ ბინაში წაიყვანა, ჩამოართვა პასპორტი, აუკრძალა თავისუფალი გადაადგილება და ცემითა და მუქარით გადმოიბირა, რომ პროსტიტუციაში ჩაბმულიყო.

პროკურატურის ცნობით, ბრალდებულს დაზარებული ხელვაჩაურის რაიონში მდებარე ღამის კლუბებში, რესტორნებსა და სასტუმროებში გადაჰყავდა, ხოლო პროსტიტუციიდან მიღებულ თანხას თვითონ იღებდა.

განცხადებაში ასევე წერია, რომ ბრალდებულმა საქართველოდან მალულად გასვლა სცადა, თუმცა ის 2018 წლის 19 იანვარს სახელმწიფო საზღვრის უკანონოდ კვეთის ფაქტზე დააკავეს.

ბრალდებულს პატიმრობა სისხლის სამართლის კოდექსის 143-ე პრიმა მუხლის მე-3 ნაწილის "გ" ქვეპუნტქით წარედგინა.