მსოფლიო პატრიარქი ბართლომეოსი შიო III-ს სრულიად საქართველოს კათოლიკოს-პატრიარქად არჩევას ულოცავს. მსოფლიო საპატრიარქოს განცხადებაში ვკითხულობთ, რომ მსოფლიო პატრიარქმა შიო მესამეს ხანგრძლივი, კურთხეული და ნაყოფიერი მსახურება უსურვა.

"საქართველოს ეკლესიის ახალი წინამძღვრის არჩევის შესახებ ინფორმაციის მიღების შემდეგ, მისმა უწმინდესობამ, სრულიად საქართველოს კათოლიკოს-პატრიარქმა, მსოფლიო პატრიარქმა, გაუგზავნა მას გულბილი მისალოცი წერილი, რომელშიც უსურვა ხანგრძლივი, კურთხეული და ნაყოფიერი წინამძღვრობა ღვთის სადიდებლად, მისი ერთგული სამწყსოს საკეთილდღეოდ, ქართველ ხალხს შორის მშვიდობისა და სტაბილურობისთვის, ასევე სრულიად მართლმადიდებლური ერთიანობისა და მართლმადიდებლური ეკლესიის საერთო მოწმობის ხელშეწყობისთვის თანამედროვე სამყაროში, მსოფლიო საპატრიარქოსთან და სხვა ადგილობრივ ავტოკეფალურ ეკლესიებთან ჰარმონიულ თანამშრომლობაში", — წერია მსოფლიო საპატრიარქოს მიერ გამოქვეყნებულ განცხადებაში.

საპატრიარქო ტახტის მოსაყდრე შიო III საქართველოს მართლმადიდებელი ეკლესიის გაფართოებულმა კრებამ 142-ე კათოლიკოს-პატრიარქად 11 მაისს აირჩია. 12 მაისს კი ის სვეტიცხოვლის საკათედრო ტაძარში პატრიარქად აკურთხეს.