საქართველო 2026 ევროვიზიის სიმღერის კონკურსს ნახევარფინალური ტურიდან გამოეთიშა. ჯგუფმა ბზიკებმა, გიგა კუხიანიძის საკონკურსო სიმღერით On Replay, პირველი ნახევარფინალის საუკეთესო ათეულში მოხვედრა ვერ შეძლო. ამდენად, ჩვენი ქვეყანა ზედიზედ მეორედ, ჯამში კი მეათედ დარჩა ევროფესტივალის ფინალს მიღმა.

ევროვიზიის ფინალში საქართველომ ბოლოს 2024 წელს იმღერა, როცა ქვეყანა შვედეთში ნუცა ბუზალაძემ წარადგინა და, საბოლოოდ, 21-ე ადგილი დაიკავა. ევროფესტივალზე თითქმის 20-წლიანი ასპარეზობის მიუხედავად, ჩვენს საუკეთესო შედეგად კონკურსზე მე-9 ადგილი რჩება, რომელიც 2010 წელს სოფო ნიჟარაძემ და 2011-ში ჯგუფმა Eldrine დაიკავეს.

საიუბილეო, რიგით 70-ე ევროვიზიის სიმღერის კონკურსს ავსტრიის დედაქალაქი ვენა მასპინძლობს. მეორე ნახევარფინალური ტური 14 მაისს, ფინალი კი 16 მაისს გაიმართება.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...