პუტინის ქალიშვილის ნათლია, მუსიკოსი სერგეი როლდუგინი, რომელსაც პანამის დოკუმენტების მიხედვით ოფშორულ ანგარიშებზე $2 მილიარდი აქვს.

რუსეთის სახელმწიფო ტელევიზიასთან 20 წუთიან ინტერვიუში როლდუგინმა განაცხადა, რომ ეს ფული მდიდარი ბიზნესმენების შემოწირულობაა და ახალგაზრდა რუსი მუსიკოსებისთვის ძვირადღირებული ინსტრუმენტების შეძენა იგეგმება.

მან უარყო, რომ ვლადიმერ პუტინს რამე კავშირი აქვს ამ თანხებთან.

"მე დავდიოდი და ყველას ვთხოვდი შემოეწირათ თანხები." განაცხადა როლდუგინმა. "მე ნამდვილად მდიდარი ვარ, ოღონდ არა თანხებით, არამედ რუსული ნიჭით."

რუსული სახელმწიფო მედია და კრემლის ოფიციალური წარმომადგენლები პანამის დოკუმენტებს რუსეთისა და პუტინის წინააღმდეგ მიმართულ კამპანიას უწოდებენ.

მსოფლიოს 400-მდე ჟურნალისტისთვის ხელმისაწვდომი გახდა იურიდიული ფირმა მოსაკ ფონსეკას საიდუმლო დოკუმენტები. 11 მილიონ საბუთში ცხადად ჩანს, თუ როგორ იყენებდნენ მსოფლიოს ცნობილი პოლიტიკოსები და ბიზნესმენები ე.წ. საგადასახადო სამოთხეებს (ოფშორულ ზონებს) ფულის გასათეთრებლად და გადასახადებისგან თავის ასარიდებლად.