შინაგან საქმეთა სამინისტროს განცხადებით, ენერგო-პრო ჯორჯიას განცხადების საფუძველზე, დღეს, 31 ივლისს თბილისში, ლისის ტბის მიმდებარე ტერიტორიაზე, ნივთმტკიცებად ამოიღეს სალვუს დეველოპმენტის მფლობელის, გიორგი სოზაშვილის კუთვნილი ავტობუსი და მასში განთავსებული ე.წ. მაინერები.

შსს-ს მტკიცებით, პირველადი ინფორმაციით, ელექტროენერგიის მართლსაწინააღმდეგოდ დაუფლება ხდებოდა.

გამოძიება საქართველოს სისხლის სამართლის კოდექსის 177-ე მუხლის მე-2 ნაწილით დაიწყო, რაც ქურდობას გულისხმობს და 3-დან 5 წლამდე ვადით თავისუფლების აღკვეთას ითვალისწინებს.