მიხეილ ყაველაშვილის ადმინისტრაციაში ადასტურებენ, რომ მიხეილ ყაველაშვილი ირანში აიათოლა ხამენეის დაკრძალვაზე ჩავა.

"რეგიონის ყველა ლიდერი მიემგზავრება, მათ შორის საქართველოს პრეზიდენტიც", — განუცხადეს "ნეტგაზეთს" ყაველაშვილის პრესსამსახურში.

მანამდე, თეირანში დაფუძნებულმა საინფორმაციო სააგენტო WANA News-მა გაავრცელა ინფორმაცია იმის შესახებ, რომ მიხეილ ყაველაშვილი თეირანში ირანის სულიერი ლიდერის, აიათოლა ალი ხამენეის დაკრძალვაზე იყო მიწვეული. მათივე ცნობით, ყაველაშვილი დაკრძალვის ცერემონიაზე ოფიციალურ დელეგაციას უხელმძღვანელებს.

ირანული მედია წერს, რომ ღონისძიებებზე, რომლებიც რამდენიმე დღის განმავლობაში თეირანში, ყუმში, მაშჰადსა და ერაყში გაიმართება, რეგიონის მასშტაბით რამდენიმე მაღალი თანამდებობის პირისა და მაღალი რანგის დელეგაციის დასწრებაა მოსალოდნელი. მათ შორის არიან: საქართველოს პრეზიდენტი მიხეილ ყაველაშვილი, აზერბაიჯანის პრეზიდენტი ილჰამ ალიევი, თურქმენეთის პრეზიდენტი გურბანგული ბერდიმუჰამედოვი, სომხეთის პრემიერმინისტრი ნიკოლ ფაშინიანი, პაკისტანის პრემიერმინისტრი და კატარის ემირი.