საქართველოს ეროვნული ბანკის პრეზიდენტის ნათია თურნავას ანაზღაურება 2024 წელთან შედარებით 43.6 ათასი ლარით გაიზარდა და 2025 წლის დეკლარაციის თანახმად მისი ანაზღაურება 392 689 ლარია.

დეკლარაციის მიხედვით, თურნავა ფლობს:

  • 130,79 კვ.მ ბინას თბილისში, ი. ჭავჭავაძის გამზირზე (2003 წელს ჩუქებით გადმოეცა),
  • 33,03 კვ.მ ბინას ბათუმში (2020 ჩუქება);
  • 807-808 კვ.მ მიწის ნაკვეთებს მცხეთის სოფელ არაშენდაში (2016 წელს ჩუქება);
  • ბაკურიანში ავტოფარეხს (2024 წელს $1 500 დაუჯდა);
  • 199 კვ.მ საცხოვრებელ სახლს ბაკურიანში — 50%-იანი წილის მფლობელი, ღირებულება — 123 710 ლარი.

ნათია თურნავას მეუღლე დავით ვეშაპიძე, რომელიც დეკლარაციის მიხედვით "რუსთავის აზოტის" მრჩეველია, ფლობს:

  • 261 კვ.მ მიწის ნაკვეთს ზემო ვაკეში, ნასყიდობა ₾252 300;
  • 40.72 კვ.მ ბინას ბათუმში — ₾69 880;
  • 249 951 კვ.მ მიწის ნაკვეთს ლაგოდეხის რაიონი — $25 000;
  • მიწის ნაკვეთს საჩხერის მუნიციპალიტეტში (ფასი არ არის მითითებული) მემკვიდრეობით;
  • 380 კვ.მ მიწის ნაკვეთს თბილისში — $100 000;

ქონებრივი დეკლარაციის მიხედვით, ნათია თურნავა საბანკო სეიფში $321 000-ს და €35 000-ს ინახავს, ხოლო მისი მეუღლე — $105 000-ს და ₾10 000-ს.

2025 წლის იანვარში თურნავამ "ბანკ ქართუში" ოთხი იპოთეკური სესხი აიღო — $94 000, $67 400, €267 100 და €122 000. მათი დაფარვის ვადაც 2033-2040 წლებზეა გაწერილი.