დღეიდან, 2026 წლის 1-ელი ივლისიდან 1-ელ იანვრამდე ირლანდია ევროკავშირის საბჭოს თავმჯდომარეობას ექვსი თვით გადაიბარებს კვიპროსისგან.

ირლანდიის პრემიერმინისტრმა მაიკლ მარტინი აცხადებს, რომ მთელი ვადის განმავლობაში იზრუნებენ, რომ კავშირი უფრო აყვავებული და უსაფრთხო გახადონ და დაიცვან საერთო ფუნდამენტური ღირებულებები.

"ჩვენ ვალდებულნი ვართ, მაღალი ხარისხის სამუშაო შევასრულოთ ევროკავშირისა და მისი მოქალაქეების საკეთილდღეოდ და მთელი ჩვენი ვადის განმავლობაში ვიზრუნებთ, რომ კავშირი უფრო აყვავებული და უსაფრთხო გავხადოთ და დავიცვათ ჩვენი საერთო ფუნდამენტური ღირებულებები", — განაცხადა ირლანდიის პრემიერმინისტრმა მაიკლ მარტინმა ირლანდიის თავმჯდომარეობის ვებსაიტზე გამოქვეყნებულ განცხადებაში.

პრეზიდენტობის პერიოდში ქვეყანა იღებს ვალდებულებას, იმუშაოს "ერთი ევროპა, ერთიანი ბაზრის საგზაო რუკის" განხორციელებაზე, რომელიც განსაზღვრავს ნაბიჯებს, რომლებიც ევროკავშირმა სასწრაფოდ უნდა გადადგას ისეთ სფეროებში, როგორიცაა ბიზნესისა და მოქალაქეებისთვის რეგულაციების გამარტივება, ერთიანი ბაზრის გაღრმავება, სამართლიანი და ღია ვაჭრობის დაცვა, ენერგიის ფასების შემცირება და ეკონომიკის დეკარბონიზაცია, ასევე ხელოვნური ინტელექტისა და ციფრული ტრანსფორმაციის ხელშეწყობა ყველას საკეთილდღეოდ.

"ეს ირლანდიის თავმჯდომარეობისთვის ნამდვილი პრიორიტეტი იქნება და ჩვენ მჭიდროდ და თანამშრომლობით ვითანამშრომლებთ წევრ სახელმწიფოებთან, ევროპარლამენტთან და ევროკომისიასთან, რათა მივაღწიოთ უდიდეს პროგრესს", — დასძინა მარტინმა.

მან ისიც განაცხადა, რომ ირლანდიის თავმჯდომარეობა გააგრძელებს ურყევი მხარდაჭერის გაწევას უკრაინისთვის, "რომლის ხალხმაც გამოიჩინა გამბედაობა და მონდომება საკუთარი ქვეყნის დასაცავად"

"ისინი იმსახურებენ სამართლიან და მდგრად მშვიდობას", — დასძინა პრემიერმინისტრმა.

ირლანდია ასევე იღებს ვალდებულებას, მხარი დაუჭიროს ევროკავშირში გაწევრიანების მსურველ ქვეყნებს წევრობისკენ მიმავალ გზაზე წინსვლაში, რაც ხელს შეუწყობს რეგიონში მეტი კეთილდღეობისა და სტაბილურობის უზრუნველყოფას.

აღსანიშნავია, რომ მაიკლ მარტინმა ცოტა ხნის წინ განაცხადა, რომ ის არ მიიჩნევს ევროპის საბჭოს პრეზიდენტის, ანტონიო კოსტას, რუსეთთან დიპლომატიური ურთიერთობების დამყარების ქმედებებს შეცდომად.