საქართველოს პარლამენტმა ხორავას ქუჩაზე მოკლული ორი მოსწავლის საქმეზე საგამოძიებო კომისიის თავმჯდომარედ ევროპული საქართველოს დეპუტატი, სერგი კაპანაძე აირჩია. მის არჩევას 91-მა დეპუტატმა დაუჭირა მხარი, მის მოწინააღმდეგეს პატრიოტთა ალიანსიდან, ადა მარშანიას კი - 1-მა.

დღესვე დამტკიცდა საგამოძიებო კომისიის წევრები. კომისიის შემადგენლობა 17 წევრით განისაზღვრა. უმრავლესობასა და უმცირესობას შორის შეთანხმებით, კვოტების მიხედვით, 6 ადგილი კომისიაში ეკუთვნის უმცირესობას - ევროპულ საქართველოს თავისი ფრაქციებით, ერთი ეკუთვნის პატრიოტთა ალიანსს. კომისიის შემადგენლობაში არ იქნება ერთიანი ნაციონალური მოძრაობა. კომისიას სერგი კაპანაძე უხელმძღვანელებს.

საგამოძიებო კომისიის შექმნის ინიციატორი ევროპული საქართველო იყო, უმრავლესობამ კი მხარი დაუჭირა.