თბილისში მოქმედ თევზის შესაბოლ საწარმოში სურსათის ეროვნული სააგენტოს წარმომადგენლებმა დარღვევები აღმოაჩინეს. სახელმწიფო კონტროლის შედეგად გამოვლენილი კრიტიკული და არაკრიტიკული შეუსაბამობების, მათ შორის ვადაგასული პროდუქციისა და ჰიგიენური ნორმების დარღვევის გამო, შპს "კობი თევზს" მუშაობა შეჩერდა, ბიზნესოპერატორი კი დაჯარიმდა. ინფორმაციას სეს ავრცელებს.

"სურსათის ეროვნული სააგენტოს თბილისის დეპარტამენტის ინსპექტორებმა, სახელმწიფო კონტროლი განახორციელეს თევზის შესაბოლ საწარმოში შპს "კობი თევზი" ( მის: ქ. თბილისი, ქიზიყის ქ. N62; ს/კ 400330600 ). შემოწმებისას გამოვლინდა კრიტიკული და არაკრიტიკული შეუსაბამობები: ვადაგასული სურსათი, ჰიგიენური ნორმების, ეტიკეტირების და მიკვლევადობის წესების დარღვევა. გარდა ამისა, ბიზნესოპერატორი ეკონომიკურ საქმიანობათა რეესტრში რეგისტრაციის გარეშე საქმიანობდა.

კანონმდებლობის შესაბამისად, ბიზნესოპერატორი დაჯარიმდა და შეუსაბამობების გამოსწორებამდე საწარმოო პროცესი შეუჩერდა", — აღნიშნულია სეს-ის განცხადებაში.