16 ივლისს რუსთავის საერთაშორისო ავტოდრომზე დაგეგმილი რიკი მარტინის კონცერტი გაუქმდა.

მოქალაქეებმა ამის შესახებ შეტყობინება Biletebi-სგან 15 ივლისს, კონცერტამდე 1 დღით ადრე, მიიღეს. გაგზავნილ შეტყობინებაში ნათქვამია, რომ კონცერტი თავად რიკი მარტინის გადაწყვეტილებით გაუქმდა. თანხა მომხმარებლებს იმავე ბარათზე დაუბრუნდებათ, რომლითაც ბილეთები შეიძინეს, ხოლო ანგარიშზე მის ასახვას შესაძლოა 3-5 სამუშაო დღე დასჭირდეს.

ეს რიკი მარტინის პირველი ვიზიტი უნდა ყოფილიყო საქართველოში, შოუ კი მისი საერთაშორისო ტურნეს ფარგლებში იყო დაგეგმილი. ცნობილია, რომ კონცერტის სპეციალური სტუმარი ავსტრალიელი მომღერალი ნატალი იმბრუგლია უნდა ყოფილიყო.

რიკი მარტინი 11 ივლისს თურქეთში გამართულ კონცერტზე.

ფოტო: Instagram

ფოტო: Instagram

აღსანიშნავია, რომ დაგეგმილ კონცერტამდე რამდენიმე დღით ადრე რიკი მარტინი თურქეთში იმყოფებოდა — 11 ივლისს მან სტამბოლში კონცერტი გამართა, მოგვიანებით კი Instagram-ზე თურქეთიდან პოსტიც კი გამოაქვეყნა.

რიკი მარტინმა მსოფლიო პოპულარობა ისეთი სიმღერებით მოიპოვა, როგორებიცაა Livin’ la Vida Loca, María და Nobody Wants to Be Lonely.

ასევე იხილეთ: