NDI-ს კვლევის თანახმად, მოსახლეობას შორის ყველაზე მაღალი რეიტინგით ჯანდაცვის მინისტრი, დავით სერგეენკო და ევროპული საქართველოს ლიდერი, დავით ბაქრაძე არიან. დავით სერგეენკოს მოსახლეობის 46 პროცენტი დადებითად აფასებს, დავით ბაქარაძეს კი 34 პროცენტი.

დადებითი დამოკიდებულების მხრივ 31 პროცენტით მესამე ადგილზე არის იუსტიციის მინისტრი, თეა წულუკიანი.

ყველაზე უარყოფითად მოსახლეობა გიგი უგულავასა და ნიკა მელიას აფასებს.

ფოტო: NDI

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.