აშშ-ში 22 წლის რობა გასიტაშვილზე ძებნაა გამოცხადებული — CBS News-ის ცნობით, ქართველი კაცის ახალი წლის ღამეს თეთრი "ფოლკსვაგენის" მარკის ავტომობილით ავტოსადგომზე შევარდა და 2 ადამიანს დაეჯახა. ვიდეოკამერებიდან ამოღებულ კადრებში ჩანს, რომ გასიტაშვილი დაჯახების შემდეგ კვლავ აგრძელებდა წრეების დარტყმას და შემდეგ ადგილიდან მიიმალა.

"მძღოლი განაგრძობდა შენობის გარშემო ტრიალს და არაერთხელ ცდილობდა ფეხით მოსიარულეებისთვის დაჯახებას, რომლებმაც ძლივს მოახერხეს თავის არიდება," — აცხადებენ პოლიციაში.

შემთხვევის შედეგად 3 ადამიანი დაშავდა. პოლიციამ შემთხვევის ადგილზე 29 წლის კაცი უგონო მდგომარეობაში იპოვა, რომელსაც თავისა და სახის მძიმე დაზიანებები ჰქონდა. ის ადგილობრივ საავადმყოფოში გადაიყვანეს და კრიტიკულ მდგომარეობაში იმყოფება. დანარჩენი ორი დაშავებულის მდგომარეობა უცნობია.

მოგვიანებით, პოლიციამ მანქანა მიმდებარე ქუჩაზე მიტოვებული იპოვა.

გასიტაშვილს ბრალად ედება მკვლელობის მცდელობა, დამამძიმებელ გარემოებებში თავდასხმა და სხვა პირის საფრთხეში ჩაგდება.