ოცნების პარლამენტის ვიცესპიკერის, გია ვოლსკის განცახდებით, ირაკლი ღარიბაშვილის დაკავება მისი "პირადი ტრაგედიაა" და დასძინა, რომ აღნიშნული ფაქტი ბიძინა ივანიშვილისთვისაც "რთული წარმოსადგენი იყო".

"ძალიან ძნელია. დიდი ხანია ეს პროცესი გრძელდება. ჩემი დამოკიდებულება პირადად ირაკლის, მისი ოჯახის მიმართ ყოველთვის იყო თბილი, მეგობრული. საქმიანი ურთიერთობა ძალიან ბევრი მქონია, ბევრი პოზიტიური განვითარება მახსოვს და რასაკვირველია, ჩემთვის ეს პირადი ტრაგედიაა. საერთოდ, გუნდისთვის ტრაგედიაა. იგივე ბიძინა ივანიშვილისთვის ძალიან რთული წარმოსადგენი იყო, რომ ადამიანი, რომელიც შენს გუნდში იყო, ყოველთვის მყარად იდგა თავის პოზიციაზე, გადადგამდა ისეთ ნაბიჯს, რომელიც იმ პრინციპებს უპირისპირდება, რითაც დაბრუნდა ბიძინა ივანიშვილი პოლიტიკაში. არაერთხელ გააფრთხილა ყველა. მისასალმებელია აღიარება, მაგრამ თავად დანაშაული არის ძალიან მძიმე," — თქვა ვოლსკიმ.

შეგახსენებთ, 2-გზის ყოფილი პრემიერმინისტრი, თავდაცვისა და შინაგან საქმეთა მინისტრი ირაკლი ღარიბაშვილი დღეს დააკავეს. პროკურატურის ინფორმაციით, უწყებამ ღარიბაშვილთან საპროცესო შეთანხმება გააფორმა და მას სასჯელის ზომად 5 წლით თავისუფლების აღკვეთა მიესაჯა.