საერთაშორისო გამჭვირვალობა საქართველო (TI) ოპოზიციური პარტიების აკრძალვის შესახებ ქართული ოცნების პარლამენტის წევრების კონსტიტუციური სარჩელის შეფასებას აქვეყნებს. TI წერს, რომ აღნიშნული სარჩელის სასამართლოში შეტანა ოცნების მხრიდან კონკურენტების ჩამოშორების მცდელობაა. მათივე განმარტებით, სარჩელის დაკმაყოფილება საქართველოში არჩევნებს აზრს დაუკარგავს და დემოკრატიას დაასრულებს.

"საკონსტიტუციო სასამართლოში შეტანილი სარჩელი პროევროპული პარტიების წინააღმდეგ ქართული ოცნების რეჟიმის მცდელობაა, პოლიტიკური კონკურენტები გზიდან ჩამოიშოროს. მისი დაკმაყოფილება საქართველოში არჩევნებს აზრს დააკარგვინებს და წარმომადგენლობით დემოკრატიას დაასრულებს", — წერს TI.

საერთაშორისო გამჭვირვალობა საქართველოს მიაჩნია, რომ თუ საკონსტიტუციო სარჩელს განსახილველად მაინც მიიღებს აუცილებლად უარი უნდა თქვას სარჩელის დაკმაყოფილებაზე.

"მიგვაჩნია, რომ საკონსტიტუციო სასამართლომ უარი უნდა თქვას ამ კონსტიტუციური სარჩელის განსახილველად მიღებაზე, ანდა, თუ მან მაინც მიიღო იგი განსახილველად, უარი უნდა თქვას სარჩელის დაკმაყოფილებაზე", — წერს TI.

შეფასება სრულად წაიკითეთ აქ.