დიდი ბრიტანეთის მთავრობის ცნობით, რუსეთი სანქციების არიდებას ყირგიზეთის ფინანსური სისტემებისა და კრიპტოქსელების გამოყენებით ცდილობს. სწორედ ამის გამო, დიდმა ბრიტანეთმა სანქციები დაუწესა ყირგიზულ Capital Bank-ს და კრიპტოქსელებს. ამის შესახებ ინფორმაციას დიდი ბრიტანეთის მთავრობა ავრცელებს.

"ამჟამინდელი აშშ-ის მეთაურობით მიმდინარე მოლაპარაკებების ფონზე, დიდი ბრიტანეთი და მისი მოკავშირეები ერთიანნი არიან უკრაინაში სამართლიანი და მდგრადი მშვიდობის მიღწევისათვის.

ბრიტანეთის მთავრობის ახალ ზომების მიზეზი რუსეთის მცდელობაა, რომ სანქციების გავლენის შესამცირებლად გამოიყენოს ყირგიზეთის ფინანსური სექტორი, ასევე კრიპტოვალუტის საშუალებით გადარიცხოს ფული გაუმჭვირვალე ქსელების მეშვეობით. ამ ქსელებმა შექმნეს რთული სქემა, რომლითაც რუსეთი ცდილობს აიცილოს დიდი ბრიტანეთისა და პარტნიორების მიერ დაწესებული სანქციები.

ბრიტანეთის ახალი სანქციები ეხება ყირგიზეთში დაფუძნებულ Capital Bank-ს და მის დირექტორს, კანტემირ ჩალბაევს, რომლის მეშვეობითაც რუსეთი სამხედრო საქონელს ყიდულობდა. სანქციები ასევე ეხება Grinex და Meer კრიპტობირჟებს, რომლებიც ახალ, რუბლზე დაფუძნებულ კრიპტოვალუტას A7A5-ს უკავშირდებიან, რომელმაც მხოლოდ ოთხი თვის განმავლობაში 9.3 მილიარდი დოლარი გადაანაწილა სპეციალურ კრიპტობირჟაზე. ეს კრიპტოვალუტა შექმნილია სპეციალურად დასავლეთის სანქციების გვერდის ავლისთვის.

ბრიტანეთის მთავრობა ხაზს უსვამს, რომ რუსეთის სამხედრო მანქანის შეჩერება და პრეზიდენტ ტრამპის ძალისხმევის მხარდაჭერა მნიშვნელოვანია, რათა შეჩერდეს მკვლელობები უკრაინაში და პუტინი ჩაერთოს შედეგიან მოლაპარაკებებში. ეს ასევე კრიტიკული ნაბიჯია დიდი ბრიტანეთისა და მისი მოკავშირეების უსაფრთხოების უზრუნველყოფისთვის, — ნათქვამია ბრიტანეთის მთავრობის მიერ გავრცელებულ ინფორმაციაში.

დიდი ბრიტანეთის მთავრობამ სანქციები დაუწესდა: შპს GRINEX-ს, სს TENGRICOIN-ს, შპს OLD VECTOR-ს, ლეონიდ შუმაკოვს, კანტემირ ჩალბაევს, Capital Bank-ს, ZHANYSHBEK UULU NAZARBEK-ს და ალტაირ ჰოლდინგს.