აშშ-ის სენატორმა რიჩარდ ბლუმენტალმა განაცხადა, რომ რუსეთისთვის სანქციების კანონპროექტზე კენჭისყრა სწრაფად უნდა ჩატარდეს, რადგან, როგორც თავად ამბობს, კრემლის ლიდერი ვლადიმერ პუტინი "დამატებით დროს არ იმსახურებს." ამის შესახებ ინფორმაციას უკრაინული მედია ავრცელებს.

"ვლადიმერ პუტინი არ იმსახურებს დამატებით დროს. საჭიროა სანქციების კანონპროექტზე კენჭისყრის დაჩქარება. პრეზიდენტის ყველა ქმედება სწორადაა მიმართული, მაგრამ მე მტკიცედ ვუჭერ მხარს, რომ სანქციები უნდა იყოს 500%-იანი, და არა 100%-იანი." — განაცხადა სენატორმა.

ბლუმენტალი აცხადებს, რომ "მომენტის გამოყენება" და კანონპროექტზე კენჭისყრაა საჭირო. მისი თქმით, სენატში უკვე 85 მხარდამჭერია და საჭიროების შემთხვევაში ეს რიცხვი 90-მდე შეიძლება გაიზარდოს.

ცნობისთვის, აშშ-ის პრეზიდენტმა დონალდ ტრამპმა გამოაცხადა, რომ მისი ახალი ვადა რუსეთისთვის — უკრაინის წინააღმდეგ სამხედრო მოქმედებების შესაწყვეტად — არის 10 დღე. დროის ათვლა 29 ივლისიდან იწყება.