თბილისის საქალაქო სასამართლოს ტერიტორიაზე პოლიციამ ერთი პირი დააკავა.

პუბლიკას ინფორმაციით, საპატრულო პოლიციის დეპარტამენტის დირექტორის მოადგილემ, სერგი ბზიშვილმა განაცხადა, რომ პირი იგინებოდა და სამოქალაქო წესრიგს არღვევდა.

"იგინებოდა და დავაკავეთ. ვერ გეტყვით, სახელი და გვარი არ ვიცი. იგინებოდა. აგინებდა ყველას, გამვლელებს, დაარღვია საზოგადოებრივი წესრიგი და შესაბამისად რეაგირება მოვახდინეთ", — განაცხადა სერგი ბზიშვილმა.

NEWS.On.ge შინაგან საქმეთა სამინისტროს დაუკავშირდა, სადაც პირის დაკავება დაგვიდასტურეს. ჯერჯერობით ჩვენთვის უცნობია რა მუხლითაა დაკავებული მოქალაქე.