დღეს განათლების სამინისტრომ 2025 წლის ეროვნული გამოცდების პროგრამები გაავრცელა, რომელთა შესწავლის შემდეგ საზოგადოებამ თავზარდამცემი სიახლე შეიტყო — ქართული ენის საგამოცდო პროგრამიდან ამოღებულია ისეთი მნიშვნელოვანი, რუსულ თუ სხვა ავტორიტარულ რეჟიმებთან მებრძოლი ნამუშევრები, როგორებიცაა ვაჟა-ფშაველას კოსმოპოლიტიზმი და პატრიოტიზმი, ილია ჭავჭავაძის ბედნიერი ერი, პასუხის პასუხი, გალაკტიონ ტაბიძის მშობლიური ეფემერა, აკაკი წერეთლის აღმართ-აღმართ, პაოლო იაშვილის პოეზია, პოლიკარპე კაკაბაძის ყვარყვარე თუთაბერი.

საგანგაშოა ის ფაქტი, რომ მთავრობა ისეთ ლიტერატურულ შედევრებს, რომლებიც კრიტიკულ აზროვნებას ავითარებს და აბიტურიენტებს დიქტატორული სისტემისადმი კითხვების დასმისკენ უბიძგებს, ეროვნული საგამოცდო პროგრამიდან დევნის და ამით მათ მნიშვნელობას უკანა ფლანგზე სწევს.

შეამოწმე, რამდენად გახსოვს ის ნამუშევრები, რომლებიც ქართველმა ავტორებმა ჩვენი ქვეყნის საკეთილდღეოდ, ერის სახსნელად და ხალხის გასაერთიანებლად შექმნეს:

ქვიზი: როგორ გახსოვთ საგამოცდო პროგრამიდან განდევნილი ნაწარმოებები?

ტესტის დაწყება

1 / 7 რომელი ნაწარმოებიდანაა შემდეგი მონაკვეთი:

"ხალხი თავის მტერია, თუ არ მოწყემსე, უჭკუო საქონელივით ხრამში გადავარდება... თუ შნო გაქვს, ჯოხს თვითონ მოგცემს, ოღონდ ძალიან ჭკვიანად უნდა დაარტყა."

2 / 7 თუ იცი, რომელი ავტორის სიტყვებია:

"განავითარეთ ყოველი ერი იქამდის, რომ კარგად ესმოდეს თავისი ეკონომიური, პოლიტიკური მდგომარეობა, თავის სოციალური ყოფის ავკარგი, მოსპეთ დღევანდელი ეკონომიური უკუღმართობა და, უეჭველია, მაშინ მოისპობა ერთისაგან მეორის ჩასანთქმელად მისწრაფება, ერთმანეთის რბევა, ომები, რომელიც დღეს გამეფებულია დედამიწის ზურგზე."

3 / 7 რომელ პოეტს ეკუთვნის შემდეგი სტროფები:

"და ვიფიქრე: "ჩემი სატრფო სად არი? ნისლი ჰბურავს, თუ დღე უდგას სადარი?" გავიხედე, ვნახე, რომ სხვას ჰმონებდა! გამიკვირდა! ვსთქვი: "მტერს როგორ მონებდა? მოხიბლულა, შემცდარია, ის არი!.. ალერსით მთვრალს ვერ უხილავს ისარი!" მივაძახე: "ჭინჭარში ნუ ვარდები!.. ნუ გგონია იქ ია და ვარდები!"

4 / 7 რომელი მწერალი წერს შემდეგ სიტყვებს ქართველ ერზე?

"ჩვენისთანა ბედნიერი განა არის სადმე ერი?! მტვერწაყრილი, თავდახრილი, ყოვლად უქმი, უდიერი; უზღუდონი, გზამრუდონი. არგამტანი და ცბიერი, მტრის არმცნობი, მოყვრის მგმობი, გარეთ მხდალი, შინ ძლიერ; არრის მქონე, არრის მცოდნე, უზრუნველი და მშიერი."

5 / 7 ერთობით მტრის დამარცხებაზე რომელ პოემაში ვკითხულობთ შემდეგ სტროფებს:

"მკვდარია უგრძნობი კაცი, უსაზარლესი მკვდარზედა, მით რომე სიცოცხლე უდგას სალის ყინულის ტახტზედა. არ ებრალება მოყვასი, მის წინ რო აცვან ჯვარზედა. ისე მოკვდება, ვერ შედგეს ერთს წამს ტრფობისა მთაზედა. შორს არის, მეტად შორს არის დაშორებული მაზედა. ჭაობში არის ჩაფლული, ვიცნობ მოწამლულს ხმაზედა. საზარელია დადგომა უგრძნობელობის გზაზედა"

6 / 7 რომელ ნაწარმოებში მიმართავს ილია ჭავჭავაძე უფროს თაობას?

" ლიბერალობა, პატრიოტობა სალანძღავ სიტყვად არ გაგვიხდია; თქვენგან ჩაგრული, დაბრმავებული, ერი ჯვრებზედ არ გაგვიყიდია."

7 / 7 რომელ ნაწარმოებში ვკითხულობთ შემდეგ მონაკვეთს:

რამდენადაც ბრძოლა გაცხარდების, რამდენადაც საქმე გაჭირდების, იმდენადაც გამარჯვებას მეტი ფასი ექნების... რაი ვუყოთ, რომ ერთზედ ათი მოვა?! ასიც რომ მოვიდეს, მაინც გამარჯვება ჩვენი იქნების, იმად რომ ჩვენ ღმერთთანაც და კაცთანაც მართალნი ვართ...

იტვირთება...
ერთი წუთით...