კასპის მუნიციპალიტეტის სოფელ მეფისქალაქში 40 წლამდე მამაკაცი ცივი იარაღით დაჭრეს. ინფორმაციას "მოზაიკა" ავრცელებს და წერს, რომ დაშავებულს მრავლობითი ჭრილობები მუცლის არეში აქვს მიყენებული.

"წუხელ მოხდა. 6 ჭრილობა ჰქონდა მუცლის არეში. მდგომარეობა მძიმეა, ოპერაცია გაუკეთეს წუხელვე და როგორც ვიცით, კიდევ სჭირდება ქირურგიული ჩარევა," — განუცხადეს "მოზაიკას".

როგორც ადგილობრივები ადგილობრივ მედიას უყვებიან, ფიზიკური დაპირისპირება ძველ კონფლიქტს მოჰყვა.

"პოლიციას ჯერ არავინ დაუკავებია. ეძებენ და როგორც ამბობენ, ის მამაკაცი მიმალვაშია," — უცხადებენ "მოზაიკას"

როგორც NEWS.On.ge-ს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.