შინაგან საქმეთა სამინისტროს ინფორმაციით, გარდაბანში კაცი დას ჯერ მანქანით შეეჯახა და შემდეგ ქალს სასიკვდილო ჭრილობები მიაყენა — ქალი ადგილზე გარდაიცვალა, ხოლო ბრალდებული ადგილიდან მიიმალა.

უწყების ინფორმაციით, კაცს დასთან პირად ცხოვრებასთან დაკავშირებულ თემებზე ჰქონდა კონფლიქტი და ქალს დამოუკიდებელი გადაწყვეტილებების მიღების უფლებას არ აძლევდა.

ბრალდებულს საქართველოს სისხლის სამართლის კოდექსის 11 პრიმა, 109-ე მუხლის წარედგინა, რაც განზრახ მკვლელობას გენდერის ნიშნით გულისხმობს. კაცის ბრალდებას 109-ე მუხლის ქვეპუნქტები — "დამნაშავისთვის წინასწარი შეცნობით უმწეო მდგომარეობაში მყოფის განზრახ მკვლელობა", "განზრახ მკვლელობა ოჯახის წევრის მიმართ", "განზრახ მკვლელობა განსაკუთრებული სისასტიკით" დაემატა.

პროკურატურის მიერ წარდგენილი მტკიცებულებების საფუძველზე, რუსთავის საქალაქო სასამართლომ ბრალდებული დამნაშავედ ცნო წარდგენილ ბრალდებაში და სასჯელის სახედ და ზომად 18 წლით თავისუფლების აღკვეთა განუსაზღვრა.

პროკურატურამ აღნიშნული განაჩენი სასჯელის ნაწილში სააპელაციო წესით გაასაჩივრა, რაც თბილისის სააპელაციო სასამართლომ დააკმაყოფილა და მსჯავრდადებულს უვადო თავისუფლების აღკვეთა განუსაზღვრა.

თბილისის სააპელაციო სასამართლომ კაცს უვადო პატიმრობა მიუსაჯა.