შსს-ს ინფორმაციით, თბილისში სამი პირი დააკავეს, რომლებსაც ცეცხლსასროლი იარაღის უკანონო ტარება, პოლიციელისთვის წინააღმდეგობის გაწევა და ცრუ ინფორმაციის მიწოდება ედებათ ბრალად.

უწყების ცნობით, ერთ-ერთმა დაკავებულმა — 1988 წელს დაბადებული დ.ჯ. ცეცხლსასროლ იარაღს უკანონოდ ატარებდა. დ.ჯ.-ს დაკავებისას მეორე პირმა — 1975 წელს დაბადებულმა ი.ვ.-მ — სამართალდამცველებს წინააღმდეგობა გაუწია. მოგვიანებით, 1995 წელს დაბადებულმა ლ.დ.-მ, რომელიც ასევე ფიგურირებდა საქმეში, გამოძიებას მცდარი ინფორმაცია მიაწოდა, რის გამოც ისიც დააკავეს.

შემთხვევის ადგილზე ამოღებულია იარაღი, მჭიდი და ვაზნები, რომლებიც საქმეზე ნივთმტკიცებად დასახელდა.

გამოძიება მიმდინარეობს საქართველოს სისხლის სამართლის კოდექსის 236-ე, 353-ე და 370-ე მუხლებით, რაც 7 წლამდე თავისუფლების აღკვეთას ითვალისწინებს.