ერევნის სახელმწიფო უნივერსიტეტის (ესუ) ერთ-ერთი ლექტორი ამტკიცებს, რომ უნივერსიტეტმა ის და კიდევ ათი ლექტორი ოპოზიციის მიერ ორგანიზებულ საპროტესტო გამოსვლებში მონაწილეობის გამო სამსახურიდან გაათავისუფლა.

ორშაბათს, ესუ-ს საერთაშორისო ურთიერთობების ლექტორმა, აბრაამ გასპარიანმა თქვა, რომ უნივერსიტეტმა ის პოლიტიკური შეხედულებების გამო გაათავისუფლა. გასპარიანის თქმით, გათავისუფლება "უსაფუძვლო, უმეცრება და უღირსი" საქციელია.

გასპარიანი ოპოზიციური ABC Media-სთან მოყვა როგორ გაათავისუფლეს მისი ათი კოლეგა უნივერსიტეტიდან და განაცხადა, რომ გადაწყვეტილებას გააპროტესტებს.

იმავე უნივერსიტეტის ლექტორ მენუა სოლომონიანს უნივერსიტეტმა კონტრაქტის განახლებაზე უარი უთხრა. სოლომონიანის თქმით, ეს ნაჩქარევად მიღებული გადაწყვეტილებაა და არ აპირებს რომ უსამართლობა შეეგუოს.

ესუ-ს სპიკერმა factor.am-თან უარყო ბრალდებები და თქვა, რომ უნივერსიტეტმა კი არ გაათავისუფლა ისინი, არამედ "სხვადასხვა მიზეზის გამო" კონტრაქტი უბრალოდ არ გაუხანგრძლივა.

ესუ-ს სპიკერმა უარყო, რომ ორი თანამშრომელი მხოლოდ იმიტომ გაათავისუფლეს, რომ ანტი-სამთავრობო საპროტესტო გამოსვლებში იღებდნენ მონაწილეობას სახელწოდებით — ტავუში სამშობლოსთვის. მისი მტკიცებით, პროფესორების გარკვეული ნაწილი, რომლებიც მონაწილეობდნენ იმავე საპროტესტო გამოსვლებში, ისევ იკავებენ თავიანთ პოზიციებს

მოძრაობა ტავუში სამშობლოსთვის პირველად ჩრდილო-აღმოსავლეთ ტავუშის პროვინციაში გაჩნდა. პროტესტი, ძირითადად, აზერბაიჯანთან ახლოს არსებული სოფლების უსაფრთხოებას მოითხოვდა. ეს შემდგომში ანტი-სამთავრობო მოძრაობაში გადაიზარდა, რომელიც პრემიერ-მინისტრის, ნიკოლ ფაშინიანის გადადგომას ითხოვდა.

მაისში, მოძრაობის ლიდერმა, არქიეპისკოპოსმა ბაგრატ გალსტანიანმა განაცხადა, რომ ის შეაჩერებდა მღვდელთმსახურებას, რომ პრემიერ-მინისტრობის კანდიდატი გახდეს.

OC Media-ს თქმით, სომხეთის მთავრობა შემჩნეული იყო "გალსტანიანის პროტესტში“ მონაწილე პირებისთვის საპასუხო ღონისძიებების გატარებაში.

ივნისში, სომხეთის საგამოძიებო კომიტეტმა მსხვილი სომხური ტაქსის კომპანიის სათავო ოფისი დაარბია. ეს შემთხვევა იმის შემდეგ მოხდა, რაც კომპანიის დამფუძნებელი ტავუში სამშობლოსთვის მონაწილეობაში მოუწოდებდა ხალხს.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.