"მოხარული ვარ, რომ თქვენს გვერდით გავაგრძელებ უკვე დაწყებულ სამუშაოს ევროპასთან დაახლოების პროცესის მხარდასაჭერად" — საფრანგეთის პრეზიდენტი, ემანუელ მაკრონი პლატფორმა X-ზე ფაშინიანს საპარლამენტო არჩევნებში გამარჯვებას ულოცავს.

მაკრონის თქმით, ის მზად არის სომხეთთან თანამშრომლობის კიდევ უფრო გასაძლიერებლად.

"გულითადად გილოცავთ ძვირფასო ნიკოლ ფაშინიან, საპარლამენტო არჩევნებში ამ მნიშვნელოვან გამარჯვებას.

მოხარული ვარ, რომ თქვენს გვერდით გავაგრძელებ უკვე დაწყებულ სამუშაოს ჩვენი ხალხების ინტერესების სამსახურში თანამშრომლობის შემდგომი გაძლიერების, სომხეთის მშვიდობისა და სუვერენიტეტის მხარდაჭერისა და ევროპასთან დაახლოების პროცესის მხარდასაჭერად", — წერს მაკრონი.

ცნობისთვის, სომხეთში საპარლამენტო არჩევნები ჩატარდა, რომელიც კვირას, 7 ივნისს გაიმართა. გავრცელებული მონაცემების მიხედვით, პირველ ადგილზე ფაშინიანის მმართველი პარტია სამოქალაქო კონტრაქტი გავიდა ხმების 49.81%-ით.